روسییانین تورکییه‌ده‌کی سفیری آندرئی کارلووا سلاحلی هوجوم ائدیلیب.

آخار. آز خبر وئریر کی، آغیر یارالانان سفیر درحال خستخانایا آپاریلیب.

کارلوو آنکارادا معاصر صنعتلر مرکزین‌ده کئچیریله‌ن رسم سرگی‌سینین آچیلیشین‌دا سلاحلی هوجوما معروض قالیب. بئله کی، سرگینین آچیلیشین‌دا چیخیش ائتمک اوچون کورسویه یاخینلاشان کارلوو سلاحلا وورولوب.

روسییا رسمیلری هوجومو رادیکال ایسلامچی تئررورچولارین حیاتا کئچیردیینی بیلدیریب.

۲۱:۰۳

سفیری گوله له‌یه‌ن شخصین "حلبین حسابی سورولاجاق"، - دئیه قیشقیردیق‌دان سونرا آتش آچدیغی بیلدیریلیر. همین شخصین سرگی سالونونا پولیس وثیقه‌سی ایله داخیل اولدوغو دا ادعا ائدیر.

سوء-قصد زامانی یارالیلارین اولدوغو بیلدیریلیر. تئررورچونون ۴۰ دقیقه سونرا یاخالاندیغی بیلدیریلیر.

***

روسییا سفیری آلدیغی یارالاردان هلاک اولوب.

بو باره‌ده معلومات وئره‌ن روسییا مئدیاسی هوجوم ائد‌ن تئررورچونون فوتوسونو دا پایلاشیب.

۲۱:۱۹

روسییانین تورکییه‌ده‌کی سفیری آندرئی کارلووا آنکارادا سلاحلی هوجوم ائد‌ن شخص پولیسله آتیشمادا اؤلدورولوب.