قارا دنیزده قضایا اوغرایان طییاره‌ده "حکیم لیزا" آدی ایله تانینان یئلیزاوئتا قلینکا دا اولوب.

آخار. آز خبر وئریر کی، اؤز ساحسی اوزره بؤیوک نفوذا مالیک اولان قلینکا بیر مدت اؤنجه ده روسییا پرئزیدئنتی ولادیمیر پوتین طرفین‌دن اوردئنله ده تلتیف ائدیلیب.

قلینکا اوزون مدت "عدالت‌لی یاردیم" بئین الخالق اجتماعی فوندوندا ایجراچی دیرئکتور اولوب و خسته اوشاقلارا، محاربه علیللرینه دایما دستک وئریب.

قئید ائدک کی، قارا دنیزده ساحلدن ۶ کیلومئترلیک مسافده تو-۱۵۴ طییاره‌سینین قالیقلاری و اؤلنلردن بعضیلرینین مئییتی تاپیلیب. طییاره‌ده ۹ ژورنالیست، روسییا مدافعه نازیرلیینین "آلئکساندروو" آدلی ماهنی-رقص آنسامبلینین ۶۴ عضوو، ۸ عسگر، ۲ فئدئرال حکومت عضوو اولوب. ژورنالیستلر روسییانین بیرینجی کانالینین و «زوئزدا» تئلئکانالینین امکداشلاری‌دیر. طییاره روسییانین سوچی شهرین‌دن سورییایا سفر ائدیردی.

روسییا ایستینتاق کومیته‌سی باش وئرمیش طییاره قظاسی ایله باغلی جینایت ایشی آچیب.