تو-۱۵۴ طییاره‌سین‌ده قضایا دوشمزدن اول پارتلاییش اولوب.

آخار. آز خبر وئریر کی، بو سؤزلری اؤز فئیسبوک صحیفه‌سین‌ده روسییالی حربی ائکسپئرت وادیم لوکاشئویچ یازیب. ائکسپئرت طییاره‌نین دوشمه آنینی عکس ائتدیره‌ن ویدئونو پایلاشاراق بوراداکی گؤرونتولرین اونو بئله دوشونمه‌یه وادار ائتدیینی بیلدیریب.

لوکاشئویچ ویدئودا عکس اولونان آتشین اوفوقون اوزرین‌ده اولدوغونو و بونونلا رسمی وئرسییادا پیلوتلارین سهوی وئرسییاسینین آرادان قالخدیغینی ادعا ائدیب.

«قضایا سبب اولان ایکینجی رسمی وئرسییا تئکنیکی خطادیر. بو زامان آغلا یالنیز یاناجاق چنین‌ده باش وئره‌ن پارتلاییش گلیر. لاکین بو پارتلاییشی آز اؤنجه یاناجاق دولدورولموش ماشین‌دا کناردان مجبوری موداخیله اولمادان تؤرتمک مومکون‌سوزدور» – دئیه، او بیلدیریب.

قئید ائدک کی، آرتیق روسییا فئدئرال تهلوکه‌سیزلیک خیدمتی ده مسئله ایله باغلی آچیقلاما یاییب. ف س ب تو-۱۵۴-اون تئررور آکتی نتیجه‌سین‌ده پارتلادیلماسی وئرسییاسینی اینکار ائدیب. کشفیات دؤرد وئرسییا اوزرین‌ده دایانیر کی، بونلار دا تئکنیکی سببلرله باغلی‌دیر.

تو-۱۵۴ تییاره‌سی دئکابرین ۲۵-ده قضایا دوشوب. نتیجه‌ده ۹۲ نفر هلاک اولوب.