منیم علئیه دارلاریم پارتییانی اله کئچیرمک پلانینی اؤنجه‌دن حاضیرلامیش‌دیلار.

آخار. آذ خبر وئریر کی، بونو «روستاوی-۲» تئلئویزییاسینا موصاحیبه‌سینده گورجوستانین ائکس-پرئزیدئنتی میخایل ساکاشوی‌لی سؤیله‌ییب.

«پلان بئله ایدی کی، اگر پارتییانی (واحید میللی حرکات نظرده توتولور – رئد.) اله کئچیرمک مومکون اولماسایدی، او زامان ایکینجی قاتار ایشه سالینمالییدی. اؤز مالییه‌لری حسابینا اونلار رئلس اوزرینه ایکینجی قاتاری قویدولار. آوروپا گورجوستانی پارتییاسینی یاراتدیلار. بئش یوز میندن چوخ اینسان واحید میللی حرکاتا سس وئریب. گؤره‌سه‌ن، هئچ اولماسا، بیر سئچه یه جی واحید میللی حرکات یئرینه آوروپا گورجوستانینا سس وئره جه یینی بیلیردیمی؟ من بیلمیردیم. بو، بیرینجی بؤیوک یالان ایدی. ایکینجی‌سی ایسه اونلارین منین پروبلئم اولماماغیملا باغلی دئدیکلری ایدی. منی مدافعه ائدیردیلر، ایندی ایسه دئییرلر کی، اساس پروبلئم میشادیر. آشکار شکیلده بونو دئدیلر. اونا گؤره ده من دئییرم کی، بو، چوخ یاخشی درس ایدی. خالق هئچ واخت اونلاری آلداتماقلا حاکمیته گلن اینسانلاری اونوتمایاجاق»، – ائکس-پرئزیدئنت بیلدیریب.

قئید ائدک کی، سون گونلر سااکاشویلینین پارتییاسینی ترک ائد‌ن سیاسی لیدئرلرین سایی آرتیب. پارتییادان گئدنلر بو آددیمی قورومون رهبرلیینده یالنیز ساکاشویلینین قالماسینی ایستمه دیکلری اوچون آتدیقلارینی بیلدیریبلر. پارتییانی ترک ائد‌نلر سیراسیندا گیقا بوکئرییا و داوید باکرادزئ کیمی مشهور شخصلر ده اولوب. ساکاشویلی بو پروسئسی میلیاردئر بیدزینا ایوانیشویلینین اویونو آدلاندیریب.

پارتییانی ترک ائد‌نلر یئنی آوروپا گورجوستانی پارتییاسی یارادیبلار. بو پارتییا ایندییه قدر یالنیز کاغیذ اوزرین‌ده مؤوجود اولوب.