قزوین‌ده یئنی‌یئتمه‌لیک دورونده مجبوری ائولیلیین قربانی اولدوغو بیلدیریلن ۲۴ یاشلی مرضیه نیری ارینین قتلینه گؤره سؤزوگئدن شهرین چوبیندار زیندانین‌دا دار آغاجیندان آسیلیب.

Axar.az خبر وئریر کی، بو باره‌ده ایران انسان حقوقلاری تشکیلاتی معلومات وئریب.

معلوماتا گؤره، خانم نیری ۱۷ یاشین‌دا عائله‌سینین تضییقی ایله ائولندیریلیب. بیلدیریلیب کی، نیری ۱۸ یاشیندا اولارکن، ارینین دوستلاریندان بیری ایسپیرت‌لی ایچکی قبول ائتدیکدن سونرا اونا هجوم ائدیب. نیری همین شخصی مطبخ بیچاغی ایله یارالاییب، داها سونرا ایسه عینی حادثه زامانی ارینی ده قتله یئتیریب.

حادثه‌دن سونرا او قارداشینین ائوینه گئدیب و دؤرد گون سونرا پلیسه تحویل وئریلیب. اونون اؤزونومدافعه ایله باغلی ادعاسینین محکمه طرفیندن قبول ائدیلمدیی بیلدیریلیر.

تشکیلاتین معلوماتینا اساساً، اونون اؤلوم حکمو ایله ۲۰۲۶-جی ایلین اولین‌دن ایران‌دا آسیلان قادینلارین سایی ان آزی ۱۴-ا چاتیب.