ولادیمیر پوتین سایه‌سین‌ده روسییا یاخین شرق‌ده آپاریجی اویون‌چو ایستاتوسو الده ائدیب.

آخار. آز خبر وئریر کی، بونو ژورنالیستلره آچیقلاماسین‌دا آمئریکالی سئناتور جون ماککئین سؤیله‌ییب.

او، آبش-این حاضردا یالنیز سورییا بحرانینی حل ائتمکله باغلی دانیشیقلارا دعوت اولونماقلا کیفایتلندیینی بیلدیریب:

«پوتین ایستیینی گیزلتمیر. او، بو ایستکلرینی علین‌ده پیس کارتلار اولماسینا باخمایاراق، چوخ عقل‌لی فورمادا رئاللاشدیریب. اونون اقتصادیاتی دونیادا ۱۵-جی یئرده قرارلاشیب، اما اؤلکه‌سی حاضردا یاخین شرق‌ده آپاریجی اویون‌چودور. روسییا، ایران و تورکییه‌نین آبش-ı آستاناداکی سورییا دانیشیقلارینا دعوت ائتمه‌سی واشینقتونون بو مسئله‌ده لیدئرلیک ائتمدیینی گؤستریر. آبش نینکی لیدئر دئییل، او حتی پروسئ‌سین ایشتیراک‌چی‌سینا دا چئوریلمه‌ییب. بیزی ساده‌جه بورایا دعوت ائدیبلر. بیز نه قدر آشاغی دوشموشوک...»

قئید ائدک کی، ماککئین روسییا و پوتین علیهینه ان سرت سؤزلرین مؤلفی کیمی تانینیر.