آمئریکانبن مدافعه ناظری جیمس متیسین اساس وظیفه‌لریندن بیری ایشید-له مباریزه اولاجاق.

آخار. آز خبر وئریر کی، بو باره‌ده اینفورماسییانی «نیویورک تایمز» قزئتی یاییب. قزئت آمئریکانین یاخین شرقده حربی مؤجودلوغونو گئنیشلندیرجیینی بیلدیریب.

خبرده پنتاگونون سورییا و عراقا داها چوخ کوماندیر گؤندرمیی پلانلاشدیردیغی وورغولانیر.

ترامپین ایشید-ا قارشی آرتیلرییا و «آپاچی» هلیکوپترلرینی ده بؤلگه‌یه گؤندرجیی استثنا ائدیلمیر.

قید ائدک کی، آبش ایراقا ۲۰۰۳-جو ایلده حربی موداخیله ائدیب. نتیجه‌ده عراق پرزیدنتی صدام حسین دئوریلیب و سونرادان اعدام اولونوب. آمئریکالیلارین بو تورپاقلارا گلمه‌سین‌دن سونرا عراق‌دا یارانان خاوس هله ده بیتمه‌ییب. آمئریکانین حربی موداخیله‌سین‌دن بو گونه قدر اؤلکه‌ده یارانان قاریشیقلیق اوجباتین‌دان یاریم میلیوندان چوخ اینسان هلاک اولوب. اؤلکه فاکتیکی اولاراق پارچالانیب. سونرادان باراک اوبامانین دؤورون‌ده آمئریکا حربی حصه لرینین بؤیوک بیر حیصه‌سی عراق‌دان چیخاریلسا دا (حاضردا آمئریکانین عراق‌دا ۹ مین عسگری وار – رئد)، بؤلگه‌ده ثابت‌لیک یارانماییب.