پ ک ک و ائرمنی آسالا تئررور تشکیلاتلاری ۱۹۸۰-جی ایللرده تورکییه‌یه قارشی اتفاق یارادیبلار.

آخار. آذ خبر وئریر کی، بو باره‌ده اینفورماسییا آمئریکا بیرلشمیش شتاتلاری مرکزی کشفیات ایداره‌سینین ایجتیماعیت اوچون آچیق اعلان ائتدیی یئنی سندلر ایچری‌سینده یئر آلیب. ۱۹۸۴-جو ایلین یانوارینا عایید «ائرمنی گیزلی اوردوسو» آدلی سندده آسالا حاقین‌دا بوتون معلوماتلار یئر آلیب. ایکی تئررور تشکیلاتینین اتفاق قورماسی حاقین‌دا معلوماتلار سندین «تشکیلاتین دییشه‌ن تاکتیکالاری و تشکیلاتچی‌لیغی» بؤلمه‌سین‌ده یئر آلیب:

«آسالا پ ک ک ایله اتفاقا گیریب. ۱۹۸۰-جی ایلین نویابرین‌دا آسالا پ ک ک ایله فران‌سانین ایستراسبورگ شهرین‌ده‌کی تورکییه کونسول‌لوغونا هوجوم تشکیل ائدیب».

۱۹۸۵-جی ایل ۲۶ آوگوست تاریخلی سندده ایسه مکی پ ک ک-نین خصوصی ائرمنی بیرلیکلری حاضیرلادیغی حاقین‌دا معلومات وئریب:

«۱۹۸۴-جو ایلین یازین‌دا پ ک ک اؤز دؤیوشچولری، کورد و سول گروپلاردان خصوصی گروپ یارادیب. بؤیوک احتیماللا بو گروپا بعضی ائرمنی دؤیوشچولر ده داخیل ائدیلیب. بو گروپ هرک آدلاندیریلیب. پ ک ک ایستروکتور باخیمین‌دان ائرمنی تشکیلاتلارینی اؤزونه مودئل اولاراق سئچیب. بونا گؤره ده شدت‌دن پسیخولوژی تأثیر یاراتماق اوچون ایستیفاده ائدیرلر».