آمئریکانین ۴۵-جی پرزیدنتی دونالد ترامپین حاکمیته باشلادیغی گوندن بری آمئریکا اقتصادیاتیندا ۲۲۷ مین دوللاردان چوخ قازانج الده اولونوب.

اؤلکه. آز خبر وئریر کی، بو باره‌ده آمئریکانین مالییه و توریزیم ناظیرلیین‌دن بیلدیریلیب.

قید اولونور کی، ترامپین یئنی قرارلاریندان سونرا آمئریکادا چوخسایلی ایش یئرلری ده آچیلیب. ترامپین یئنی سرانجاملاریندان سونرا آمئریکادا ۱۷۵ میندن چوخ ایش یئری آچیلیب. یئنی رهبر ایسه بیلدیرمیشدی کی، قیسا زامان عرضین‌ده آمئریکادا ۲۵ میلیوندان چوخ یئنی ایش یئرلری آچاجاق.
قید ائدک کی، حاکمیتینین ایلک گونون‌ده دونالد ترامپ آمئریکانین ترانس-ساکیت اوکئان طرفداشلیغیندان چیخماسینا دایر فرمان ایمضالاییب. دونالد ترامپ تی پی پی سازیشینی تهلوکه‌لی آدلاندیراراق، لاییحه‌نین حیاتا کئچیریلمه‌سینه قارشی چیخیش ائدیب. او، چینین قید اولونان سازیشدن ایستیفاده ائدجیینی و لاییحه‌دن داها چوخ قازاناجاغینی بیلدیریب.

ترامپین ایلک طلبلریندن بیری ده، آمئریکانین آوتوموبیل ایستئحصال ائد‌ن زاوودلارینین خاریجی اؤلکه‌لردن ییغیشدیریلماسی اولدو. ترامپ اؤز تویتتر حسابیندا ائتدیی پایلاشیمدا آمئریکانین ان بؤیوک آوتوموبیل کونسرنی گئنئنرال موتورسز-اون مکزیکاداکی فعالیتینه گؤره تنقید ائتمیش‌شدی.

«یا آمئریکادا ایستحصال ائت، یا دا، داها چوخ گمروک روسومو وئر!» دئیه طلبینی بو شکیل‌ده ایفاده ائتمیشدی.

بو چاغیریشدان سونرا ایلک رئاکسییا "گنرال موتورزس" شیرکتیندن گلدی. آمئریکانین ایکینجی ان بؤیوک آوتوموبیل ایستحصال‌چی‌سی فورد-اون مکزیکایا یاتیریلماسی پلانلاشدیریلان ۱.۶ میلیارد دوللارلیق اینوئستیسییادان ایمتینا ائدیلجیینی آچیقلاندی.

ترامپ ایسه مؤوقعیینی بئله آچیقلاییب:

«بیز آمئریکادا موختلیف ایستحصالات ساحه‌لرین‌ده زاوودلار تیکجییک. بو هم ده، ایشسیز آمئریکالیلارین ایشله تعمین ائدیلمه‌سی اوچون یئنی شانسدیر. آمئریکادا دیگر اؤلکه‌لره نیسبتا وئرگی داها اوجوزدور. بیزیم بیر مقصدیمیز وار. آمئریکا اقتصادیاتینی اینکیشاف ائتدیرمک و ایشسیزلیگی آرادان قالدیرماق».