آذربایجان دنیادا مثلی گؤرونمه‌میش غلبه قازانیب، اؤزو ده تک‌باشینا.

Axar.az خبر وئریر کی، بونو پرزیدنت ایلهام علیئو یئنی آذربایجان پارتیاسینین قورولتاییندا چیخیش ائدرکه‌ن دئییب.

دولت باشچی‌سی قید ائدیب کی، بو گون مختلف یئرلرده محاربه‌لر گئدیر.

"هره‌نین آرخاسیندا، نئجه دئیرلر، بؤیوک بیر دایی وار. بعضیلرینین آرخاسیندا بیر نئچه. اما بیز تک‌باشینا. اما بوتون او بؤیوک داییلار بیزه قارشی ایدی. او مینسک گروپونون همصدرلری بیزه قارشی ایدی. اونلار بو گون دنیادا آپاریجی دولتلردیر، گؤرون، بیز کیمه قارشی محاربه آپارمیشیق".

ایلهام علیئو بیان ائدیب کی، ارمنستانین آرخاسیندا اونلار دایانمیشدیلار و بو گون ده دایانیرلار، هره اؤز بیلدیی فورمادا.

"اونا گؤره بیز هم غلبه‌میزله فخر ائدیریک، هم جسارتیمیزله فخر ائدیریک، اراده‌میزله فخر ائدیریک، خالقیمیزلا فخر ائدیریک، دولتیمیزله فخر ائدیریک".

دولت باشچی‌سی وورغولاییب کی، بو دا ایدئولوژی تخریباتلارا قارشی جدی بیر مانعه‌دیر.

"البته کی، بیزیم ایدئولوژی مکانیمیز یاد عنصرلردن، یاد تاثیرلردن آزاد اولمالیدیر. بو، عینی زمان‌دا، بیزیم خارجی سیاست استراتگییامیزدیر. خارجی سیاستی بیز ائله قوروروق و بوندان سونرا دا قورمالییق کی، هئچ کیم بیزیم ایشیمیزه مداخله ائتمه‌سین. بیزه هئچ کیمین کمکی ده لازم دئییل، حمایه‌دارلیغی دا لازم دئییل. بیزه لازم اولان واختدا بیزه هئچ کیم کمک ائتمه‌ییب. بیر میلیون قاچقینیمیز اولاندا هئچ کیم بیزه ال اوزاتماییب. نه آلمیشیقسا، پوللا آلمیشیق. او جمله‌دن بوتون سلاحلاری دا پوللا آلمیشیق، اؤزو ده دنیا قیمتینه - سون گوله‌یه قدر. من سیزه تام مسئولیتله دئییرم، عالی باش کوماندان کیمی، بوتون بو مسئله‌لره رهبرلیک ائد‌ن شخص کیمی. بیلیرسینیز کی، ۲۰۰۳-جو ایلدن بو یانا آذربایجان نه قدر سلاحلانیب، هم یئرلی استحصالی یارادیب، هم خارجدن آلیب. بیر دفعه ده بیزه بیر مانات، بیر دولار گذشت ائتمه‌ییبلر. حتی بعضا دنیا قیمتیندن بیر نئچه دفعه باها ساتیبلار. بیز ده مجبور اولوب بونا گؤز یومموشوق. اونا گؤره بو، چوخ جدی بیر مسئله‌دیر".