آوراسییا اتفاقینا عضو اولدوقدان سونرا ارمنیستانین ایخراجی ۵۰% آرتیب.

آخار. آذ خبر وئریر کی، بونو «دویچه وله» رادیوسونون موخبیری ژاننا نمتسووایا موصاحیبه‌سین‌ده ائرمنیستان خاریجی ایشلر ناظری ادوارد نالبندیان سؤیله‌ییب. نمتسووانین سواللاری نالبندیانین کیفایت قدر تضادلی جاوابلار سسله‌ندیرمه‌سینه سبب اولوب. روسییانین ارمنیستان اوزرینده بوتون تاثیرلرینی اینکار ائد‌ن نالبندیان آوراسییا اتفاقی حاقیندا قراری ایروانین اؤزونون وئردیینی بیلدیریب:

«بیز او زامانلار آوروپا بیرلیگی ایله آسوسیاتیو امکداشلیق حاقیندا مقاویله باره‌ده دانیشیقلارین یکون مرحلسیندیدیک. بونونلا برابر بیز همیشه بیان ائدیردیک کی، ارمنیستان گمروک اتفاقیندا اولماق ایستییر. آوراسییا اتفاقی یارانان‌دا ایسه بیز بو اتفاقدا اولماق ایستدییمیزی دئدیک. من او زامان دئییردیم کی، بیزیم عمومی سرحدلریمیز اولمادیغینا گؤره بونو ائتمک چتیندیر. عمومی سرحدلر اولمادان گمروک اتفاقیندا اولماق ممکونسوزدور. بونون اوچون ائکسپرتلردن عبارت ایشچی قروپو یارادیلدی. اونلار سیتواسییانی تدقیق ائد‌ندن سونرا بئله قناعته گلدیلر کی، ارمنیستانین گمروک اتفاقینا گیرمه‌سی ممکون‌دور».

ارمنی ناظره گؤره آوراسییا اتفاقی ارمنیستان اقتصادیاتینا بؤیوک فایدا وئریب. ژورنالیستین «آخی عضولوکدن سونرا سیزین اقتصادی آرتیمینیز ۲۰۱۳-جو ایل سوییه‌سینه دوشوب» سوالیندان سونرا نالبندیان سؤیلدیی یالانلاردان گئری چکیلمه‌لی اولوب:

«آوراسییا اتفاقیناعضولویوموزون نتیجه‌سی چوخ یاخشی اولا بیلردی. ارمنیستان کیمی کیچیک، اما آچیق اقتصادیاتی اولان اؤلکه‌لره خاریجدن اولان بوتون منفی اقتصادی تندنسییالار تأثیر ائدیر. بیزیم بورایا عضولویوموز کیفایت قدر بؤیوک بازارا چیخماغیمیزا شرایط یاراتدی. ارمنیستاندا ایستحصال اولونان محصول گمروک روسوملاری و هئچ بیر مانعه اولمادان بو بازارلارا گئدیر. ۲۰۱۶-جی ایلده ارمنیستانین ایخراجی ۵۰% آرتیب. سیز ۲۰۱۳-جو ایلین گؤستریجیلری حاقیندا دئین‌ده حاقلی ایدینیز. بیلیرسینیز کی، گلوبال پروبلملر اوجباتیندان بعضی اؤلکه‌لر بحران یاشاییر. بو بحران داوام ائدیر. بیزده ایسه پوزیتیو اولان تندن‌سییالار وار».

نمتسووا مصاحیبه‌سین‌ده همچینین ارمنیستانین ارمنی دیاسپورونون حسابینا یاشاماسینا دا ایهام ووروب. نالبندیان ایسه بونا جاواب اولاراق اؤلکه‌نی سوورن دؤلت آدلاندیریب:

«ارمنی دیاسپورو هانسیسا باشقا پلانتده اولان بیر شئی دئییل. ارمنیستاندا دئمک اولار کی، ارمنی دیاسپوروندا بیر نفر ده اولسون قوهومو اولمایان شخص یوخدور. ارمنی دیاسپورونون دستکله‌مه‌سی سایه‌سینده ارمنیستانین یاشادیغینی تصور ائتمک دوغرو دئییل. بو هئچ ده بئله دئییل. ارمنیستان مستقیل دؤلت‌دیر».