بؤیوک بریتانییادان اولان کلکسیونر آلدیغی کهنه تانکین یاناجاق چنیندن قیزیل تاپیب.

آخار. آز خبر وئریر کی، «سان» نشری کلکسیونر نیک میدین ابای واسطه‌سیله ۳۰ مین فونت-ایسترلینگه کهنه ت-۵۴ تانکی آلدیغینی و اؤزونون ۱۵۰ آددا حربی کولک‌سییاسینی بونونلا زنگینلشدیردیینی یازیب. آنجاق زنگینلشمه تکجه کولک‌سییا نمونه‌سی ایله مهدودلاشماییب.

نیک مید ت-۵۴-او آلدیقدان سونرا دؤیوش سورساتی قالیب-قالمادیغینی آیدینلاشدیرماق اوچون مخانیکله بیرگه اونو عمل‌لی-باشلی یوخلاییب. بو زامان ایسه ت-۵۴-اون یاناجاق چنیندن ۵ عدد قیزیل کولچه چیخیب. قیزیل کولچه‌لرین ۲ میلیون فونت-ایستئرلینق دیرین‌ده اولدوغو آچیقلانیب.

میدین قناعتینه گؤره، قیزیللاری تانکا عراق عسگرلری یئرلشدیریب. بئله کی، تانک عراق اوردوسونا مخصوص اولوب، ۱۹۹۱-جی ایل ساواشیندا ایسه اینگیلیس حرب‌چیلری طرفیندن اله کئچیریلیب و بؤیوک بریتانییایا گتیریلیب.

مید قیزیل کولچه‌لری پلبسه تهویل وئریب. خزینه‌نین لوندونا آپاریلاجاغی گؤزلنیلیر.

مید ایسه بوندان ناراضی دئییل. او بیلدیریب کی، قیزیللاری قایتارماسالار دا، تانک اوندا قالاجاق.