آمئریکانین سورییایا راکت ضربه‌سی روسییا و ایرانی یاخینلاشدیریب.

آخار. آز خبر وئریر کی، بو ادعا ایله «نیویورک تایمز» قزتی چیخیش ائدیب. قزئت ایران-روسییا مناسیبتلرینین یاخین اولماسینا باخمایاراق، اونلار آراسیندا معین ضدیتلرین هله ده قالدیغینینی بیلدیریب:

«ایران اولجه روسییا کیمی ادلب‌ده باش وئرن کیمیوی هجومون مسئولیتینین سورییا حکومتینین اوزرینده اولماسی ایله راضیلاشمادی. ایران خاریجی ایشلر ناظیرلیینین معلوماتیندا ایسه یگانه اولاراق نصره جبهه‌سی و ایشید-این سورییادا کیمیوی سلاح صاحبی اولماسی گؤستریلدی. ایران اس‌سدی هله ده اؤزونون واجیب ایستراتژی متفیقی ساییر و آمئریکانین بو مناقشه یه داها چوخ جلب ائدیلمه‌سینی ایستمیر. بونلاردان سونرا ایرانآمئریکانین سورییایا ائندیردیی راکت ضربه‌لرینی پیسله‌دی و بین الخالق تحقیقاتین آپاریلماسینی ایسته‌دی. بوتون بونلار ایرانی روسییا ایله یاخینلاشدیردی. لاکین تهران ایکی اؤلکه آراسیندا اولکی چتین مناسیبتلری نظره آلاراق، هللیک تام اولاراق مسکوانین قوجاغینا آتیلماق ایستمیر. تاریخ بویونجا روسییا دفعه‌لرله ایرانی ساتیب. بونلاری نظره آلاراق، تهران چتین کی، روسییایا یاخین زامانلاردا ایران حربی هاوا قوه‌لرینین بازالاریندان سورییادا فعالیت اوچون اجازه وئره».