۷۲ ساعت اولدن سئل و داشقینلارین اولاجاغی بارده معلومات وئریلمیشدی. بو، فلاکتین قارشی‌سینی آلماق اوچون کیفایت قدر بؤیوک مدتدیر.

آخار. آذ خبر وئریر کی، بو سؤزلری تبریزین ایران پارلامنتین‌ده‌کی میللت وکیلی احمد علیرضا بیگی «نماینده» هفته‌لیک درگی‌سینه وئردیی مصاحیبه‌سینده دئییب. او بیلدیریب کی، اگر واختیندا تدبیرلر گؤرولسیدی، حادثه زامانی اینسان تلافاتی و دیمیش زیان دفعه‌لرله آز اولاردی.

«تبریزده فحله ایشله‌ین بیر گنج خبرلردن سئل و داشقینین اولاجاغینی ائشیدن‌دن سونرا کندینه گئدیب و عائله‌سینی تهلوکدن قورویا بیلیب. اگر بیر عادی فحله بونو باجاریب و تهلوکه‌نی حس ائدیب‌سه، صلاحیت‌لی شخصلر نیه بونو حس ائده بیلمه‌ییب»، - دئیه میللت وکیلی علاوه ائدیب.

قید ائدک کی، ۱۴ آپرلده شرقی و عربی آذربایجان ویلایتلرینده باش وئره‌ن داشقینلاردا ۴۹ نفر هلاک اولوب، بؤلگه‌یه کوللی میقداردا زیان دییب، اونلارلا ائو داغیلیب.