آمریکانین سابیق پرزیدنتی باراک اوباما یانوارین ۲۰-ده وظیفه‌سینی دونالد ترامپا تحویل وئرندن سونرا ایلک دفعه ایجتیمایتین قارشی‌سینا چیخیب.

آخار. آذ خبر وئریر کی، شیکاگو اونیورسیتتین‌ده‌کی لوگان اینجه صنعت مرکزینده ۴۰۰-دن چوخ طلبه‌نین ایشتیراکی ایله کئچیریلن تدبیره قاتیلان اوباما یئنی لاییحه‌لری حاقدا دانیشیب:

«یئنی وظیفم گنج لیدرلری هوسلندیریب، داها گوجلو بیر سیاستچی اولمالارینا زمین یاراتماقدیر. سیاستله ماراقلانان گنجلر دقتلی اولمالیدیرلار. خصوصاً سوسیال مئدیادا یول وئریلن سهولر سیاستده باغیشلانیلمیر. اگر تحصیل آلدیغیم دؤورده ائتدییم حرکتلرین فوتولاری اوزه چیخسایدی، چوخ گومان کی، آمریکا پرزیدنتی اولا بیلمزدیم».