دونیانین ۳۰۰ میلیون ایل اوولکی سیاسی خریته‌سی حاضیرلانیب.

آخار. آذ خبر وئریر کی، «İndy100.com» سایتی طرفین‌دن حاضرلانان خریته‌ده حاضیرکی دؤولتلرین ۳۰۰ میلیون ایل اوولکی احتیمال ائدیلن سرحدلری عکس اولونوب. واحید «پانگیا ماتریکی»نین عکس اولوندوغو خریته‌ده دئمک اولار کی، دونیانین بوتون اؤلکه‌لرینین سرحدلری دییشیب.

یئنی خریته‌ده آذربایجان اراضیلرینین کیچیک بیر قیسمی، جنوب قونشوموز ایرانین ایسه بؤیوک حیسه‌سی سو آلتیندادیر. بو، خصوصیله، ایرانین مرکز بؤلگه‌لرینه عاییددیر.

بو خریته‌ده تورکییه آرتیق قونشوموز دئییل.

اگر ایندیکی دؤولتلر ۳۰۰ میلیون ایل اول اولسایدی، اوندا آمریکا مراکشله، برازیلییا گابونلا، کانادا ایسه پورتقالییا ایله سرحد اولاردی.

قید ائدک کی، آلفرد وگنر طرفیندن ایر‌لی سورولن فیکره اساساً، یئر واختیله پانگیا قورو ساحه‌سیندن عبارت اولوب. ۳۳۵ میلیون ایل اوله عایید اولان بو قورو اراضی ۲۲۰ میلیون ایل اؤنجه ایکی حیصه‌یه - لاورازییا و قوندوانایا پارچالانیب. سونرادان بو ایکی ماتریک‌ده ده پارچالانمالار اولوب. نتیجه‌ده لاورازییادان آوراسییا و شیمالی آمئریکا ماتئریکلری، قوندوانادان ایسه آفریکا، آوسترالییا، آنتارکتی‌دا، جنوبی آمئریکا یارانیب.

قوندوانادان آیریلان عربیستان و هیندیستان یاریمادالاری دا آوراسییا ماتئریکینه بیرلشیر. بو پارچالانمالار نتیجه‌سین‌ده تتیس اوکیانی یوخ اولور. نتیجه‌ده آرال، خزر، قارا و آرالیق دنیزلری یارانیر.

تاوالارین بیرلشمه‌سی همچینین هیمالای، آلپ، پامیر، کارپات، قافقاز کیمی داغلارین اورتایا چیخماسینا سبب اولور.