تورکییه‌ده نویابر آییندا نؤبدنکنار پارلامنت سئچکیسی اولاجاق.

آخار. آذ خبر وئریر کی، بو ادعانی «یئنی‌چاغ» قزتینین یازاری آحمد تاکان سسلندیریب. او، رجب طایییب اردوغانین حکومت‌ده میلیت‌چی حرکات پارتییاسینا ۴ ناظر وظیفه‌سی وئرجیینی بیلدیریب:

«دؤولت باخچالینین میلیت‌چی حرکات پارتییاسینین یئنی کابینته گیرمه‌سینه اجازه وئریب-وئرمه‌مه‌سیندن آسیلی اولمایاراق، بؤیوک دییشیکلیکلر اولاجاق. باش ناظر معاوینی نومان قورتولموش عدالت و اینکیشاف پارتییاسینین صدر معاوینی اولاجاق. اقتصادی اینکیشاف ناظری لطفی الوان، اطراف محیط و شهرچیلیک ناظری محمد اؤزحاسکی، اقتصادیات ناظری نیهات زیبکچی ایستعفایا گئده‌جکلر. باش ناظر کمک‌چیسی ویسی قایناق حاقیندا قطعی قرار وئریلمه‌ییب. پرزیدنتین مطبوعات کاتیبی ایبراهیم قالین اوچون ایسه بؤیوک احتیماللا خاریجی ایشلر ناظری پوستو حاضرلانیر.

ان ماراقلی مقام ایسه باش ناظرین اقتصادی مسئله‌لر اوزره معاوینی محمد شیمشیین یئرینه کئچمیش خاریجی ایشلر ناظری علی باباجانین گتیریلمه‌سی‌دیر. اونونلا هله‌لیک دانیشیقلار آپاریلیر.

میلیت‌چی حرکات پارتییاسینا ایسه حکومتده ۴ ناظرلیک وئریله‌جک. بؤیوک احتیماللا، اقتصادیات ناظری میلیت‌چی حرکات پارتییاسیندان اولان میلت وکیلی ارهان اوستا اولاجاق.میلیت‌چی حرکات پارتییاسینا بوندان باشقا مدافعه ناظرلیگی، ایدمان و گنجلر ناظرلیگی، مدنیت و توریزم ناظرلیگی ده وئریله‌جک».