عراق و سورییادا باش وئره‌نلر بیزیم اوچون تهدیددیر.

آخار. آذ خبر وئریر کی، بونو «سؤزجو»قزئتینه آچیقلاماسیندا احتیاط‌دا اولان تورکییه‌لی گنرال عثمان پاموکوغلو سؤیله‌ییب.

«بعضی آددیملاری آتماق اوچون گئجیکیریک. تورکییه‌ده‌کی ناتو و آمریکا بازالارییلا باغلی یئنی فورمات تطبیق ائدیلمه‌لیدیر. عراقدا بارزانی سایه‌سین‌ده کوردوستانین قورولوشو تاماملاندی. ایندی ایسه سورییادا کوردستان قورولور. آمریکا بو گون پارتیزان دسته‌لرینی اوردویا چئویریر. بونون آدی «دؤولت‌دیر».

قونشوموز عراق و سورییادا قورولاجاق کوردستانین تأثیرلری بیزه ده اولاجاق. اؤلکه‌میزده مختاریت کیمی طلبلر دیله گتیریله‌جک. کوردستانین قورولماسی تاریخینی آمریکا هله‌لیک حربی و سیاسی سببلر اوجباتیندان ائرتلییر.

اونلار بیزی بو پروسسدن اوزاق توتورلار. سورییا کوردستانی ایله علاقدار ایشلرده آنجاق آمریکانین آدی چکیلیر، لاکین بو پروسسین ایچینده اینگیلتره، روسییا و فرانسا دا وار. اونلار آفرین (سورییا ویلایتی – رئد.) واسطه‌سیله انرژی نقلینین نئجه حیاتا کئچیریلجیینی مذاکیره ائدیرلر. عقللرینا گلن ایلک یئر ایسگندرون لیمانیدیر. بونون آنلامی ایسه یاخین زامانلاردا تورکییه‌دن تورپاق آلیناجاغیدیر»، – دئیه او بیلدیریب.