تورکییهنین مخالیفت بؤیوک بیرلیک پارتییاسینین صدری مصطفی دستیجی ارزورومدا کئچیردیی کنفرانسدا آذربایجان ایله ارمنیستان آراسیندا محاربه وضعیتینین داوام ائتدیینی، ارمنیستانین داواملی اولاراق آذربایجانا قارشی حربی تجاووزکارلیق آکتلارینا یول وئردیینی دئییب.
آوروپا. اینفو خبر وئریر کی، پارتییا اولاراق آذربایجانین یانیندا اولدوقلارینی دئیهن دستیجی ائرمنیستانین ایشغال ائتدیی تورپاقلاردان چیخماسینی طلب ائدیب:
«عذر ایستمدیکجه و تظمینات اؤدمدیکجه، تورکییه ارمنیستانلا قطعی شکیلده هئچ بیر مناسیبته گیرمهمهلیدیر. سرحد قاپیسی اصلا رسمی و قئیری-رسمی شکیلده آچیلمامالیدیر. حتی داها آرتیغینی دئییم. تورکییهنین ارمنی وطنداشلاری وار. البته کی، بونلار تورکییه جمهوریتی وطنداشلاریدیر. میللی آزلیق حاقلاری واردیر. او حاقلارا صاحب اولاراق تورکییهده یاشاماغا داوام ائدجکلر. اما اونون خاریجینده تورکییهده قئغیری-لقال شکیلده یاشایان ۱۰۰ مین نفره یاخین ارمنی وار. تورکییه بونلاری درحال دئپورتاسییا ائتمهلیدیر».
مصطفی دئستیجی سؤزلرینه بئله داوام ائدیب:
«ارمنیستان آذربایجانین تورپاقلارینی ایشغال ائدجک، اورادا سویقیریم تطبیق ائدجک، هر گون آذربایجانداکی تورک قارداشلاریمیزی شهید ائدجک، بیز ده بورادا غیری-لقال ارمنیلری بسلیجییک. بونو قبول ائتمیریک. بونلارین درحال دپورتاسییا ائدیلمهسینین واجیبلیینی آچیق و قطعی شکیلده دئمک ایستییرم».