ایرانین یئنی سئچیلمیش پرزیدنتی حسن روحانی تلویزییا واسطه‌سی ایله خالقا مراجعت ائدیب.

آپا-نین معلوماتینا گؤره، حسن روحانی مراجعتینده خالقین اعتیمادینی دوغرولتماق اوچون سعیلرینی اسیرگمیجیینی ود ائدیب.

«سیزین ۴۱ میلیوندان چوخ وئردیینیز سس ایران اوچون اینکیشاف و ترقی یولونو آچدی. سیز دونن بیزی کئچمیشه قایتارماق و دایاندیرماق ایسته‌ین بوتون شخصلره «یوخ» دئدینیز و زامانی قاباغا چکدینیز»، - دئیه حسن روحانی قید ائدیب.

ایران پرزیدنتی ایران خالقینین سئچکیلرده گله‌جک یولونو سئچدیینی بیلدیره‌رک، هامینی خالقین ایستیی و قرارینا حؤرمتله یاناشماغا چاغیریب: «ایران خالقینین هر بیر فردینه، حتی منه و سیاستیمه مخالیف اولان شخصلرین یاردیمینا بئله احتیاجیم وار. من اؤز یاردیم و دوستلوق الیمی صمیمی اولاراق ایران خالقینا، بوتون پارتییالارا، جیناهلارا و خالقین مختلیف طبقه‌لرینه اوزادیرام. من دموکراتییا و قانونون عالیلیینی اساس توتاراق، مخالیفلریمه و اونلارین حکومتی تنقید ائتمه حقوقلارینا حؤرمتله یاناشیرام».

حسن روحانی علاوه ائدیب کی، ایران خالقی دونیا ایجتیماعیتی ایله صولح و دوستلوق شرایطینده یاشاماق ایستییر. «لاکین عینی زاماندا، هئچ بیر تحقیر و هده‌نی ده قبول ائتمیر. بو ایران خالقینین مساژیدیر و بوتون دؤولتلر، قونشولار و خصوصی ایله بؤیوک گوجلرین بونو دوزگون آنلاماسینی ایستییریک».