محاربه‌نین ایندیکی مرحله‌سینده آمریکا و اسرائیل فرقلی حربی-سیاسی هدفلر سئچیبلر. آمریکا هرمز بوغازینین بلوکادادان چیخاریلماسی و ایرانین نووه پروگرامینین محو ائدیلمه‌سی ایله مشغول‌دور. پنتاگون ب-۱ و ب-۲ تیپلی بمباردمان‌چیلاردان استفاده ائد‌رک، بوغاز بویونجا آغیر بومبالار یاغدیریر کی، همین اراضی‌دن راکتلر، درونلار و مینالارین یئرلشدیریلمه‌سی اوچون استفاده اولونان کیچیک قاییقلار بوراخیلا بیلمه‌سین. آمریکا پارالل شکل‌ده نووه پروگرامینین یئرالتی حصه‌سینین محو ائدیلمه‌سینه باشلاییر.

Axar.az خبر وئریر کی، بو سؤزلری پولیتولوق کامران جعفروو قید ائدیب.

«اسرائیل ایسه رژیمین جزا و اداره‌ائدیجی قوه‌لرینین محو ائدیلمه‌سینه فوکوسلانیب. اولجه بؤیوک توپلانما نقطه‌لرینی ووروردولارسا، ایندی آرتیق آیری-آیری بلوک-پستلارین، نقلیات واسطه‌لرینین و سایر. دقیق شکل‌ده محو ائدیلمه‌سینه کئچیبلر، یعنی نؤقطه‌وی عملیاتلار آپاریلیر.

سپاه و «بسیج» قوه‌لرینین بوتون عسگر و ضابطلرینه اسرائیل‌دن سلاحی یئره قویماغا چاغیران اس.ام.اس-لر گؤندریلیر.

اسرائیل چالیشیر کی، رژیم یا عملیات زمانی، یا دا اونون بیتمه‌سیندن سونرا چؤکسون و بو پروسس گئری‌دؤنمز حالا گتیریلسین»، - او بیلدیریب.