قارا دنیز اقتصادی امکداشلیق تشکیلاتینین (قدیت) ایستانبولدا کئچیریلن زیروه توپلانتیسیندا ارمنیستان خاریجی ایشلر ناظرینین کؤمکچی‌سی آشوت حوواکیمیانین چیخیشی تورکییه پرزیدنتی رجب طایییب اردوغانین ناراضیلیغینا سبب اولوب.

آپا-نین معلوماتینا گؤره، حوواکیمیان چیخیشیندا بیلدیریب کی، آذربایجان طرفی سیاسی گناهلاندیرمادان ال چکمه‌لیدیر. او دئییب کی، قارا دنیز اقتصادی امکداشلیق تشکیلاتی سیاسی تشکیلات دئییل و بو مسئله‌لر بورادا مذاکیره اولونمامالی‌دیر.

هوواکیمیانین چیخیشیندان درحال سونرا تورکییه پرزیدنتی رجب طایییب اردوغان اونونلا راضیلاشمادیغینی بیان ائدیب: «بورادا هئچ بیر تمثیلچی چیخیشیندا هر هانسی بیر سیاسی گناهلاندیرما و دیرلندیرمه ائتمدی. اما سیز اؤز چیخیشینیزی بوتونلوکله سیاسی گناهلاندیرما و دیرلندیرمه‌یه حصر ائتدینیز. بو ایسه منیم فیکریمجه، دوزگون دئییل».