ایسلام جمعیتینین پروبلمی سعودییه کیمی بیر سیرا مسلمان ایجمالاریندا حاکمیتی لیاقت‌سیز اینسانلارین زبط ائتمه‌سی ایله علاقداردیر.

رئپورت خبر وئریر کی، بونو شنبه گونو تهراندا مقدس رامضان آیینین باشلانماسی ایله علاقدار کئچیریله‌ن طنطنه‌لی مراسیمده چیخیشی زامانی ایرانین عالی دینی لیدری علی خامنه ای دئییب.

"بئله وضعیت ایسلام دینینین اساسلاری و قرانین مدعالاریندان اوزاقدیر. بو اینسانلار میلیونلارلا تیراژ قران بوراخیرلار، اما عمللری و حرکتلری قرانین تعلیماتلاری ایله ضدیت تشکیل ائدیر. اونلار کافیرلرله دوستلوق ائدیر، اونلارا وسایت وئریرلر، حالبوکی اونو خالقین یاشاییشینین یاخشیلاشدیریلماسینا یؤنلده بیلردیلر"، - دئیه ایرانین لیدری بو یاخینلاردا آمریکا و سعودییه عربیستانی آراسیندا ۱۱۰ میلیارد دوللارلیق آمئریکا سلاحلارینین آلینماسینا دایر الده ائدیله‌ن سؤودلشمه‌نی نظرده توتاراق بیلدیریب.

"اونلار دوشونورلر کی، پول مقابیلین‌ده دوشمنین رغبتینی قازانماق اولار. حقیقت‌ده ایسه هئچ بیر رغبت یوخدور. آمریکالیلار اؤزلری دئییرلر کی، اونلاردان (سعودییه‌لیلردن) سودوئره‌ن اینک کیمی ایستیفاده ائد‌جکلر و سوندا کسیلمه‌یه گؤندرجکلر"، - دئیه ایران لیدری بیلدیریب.