مینسک قروپو دانیشیقلار پروسسینده همیشه فعالدیر.

آپا-نین وئردیی معلوماتا گؤره، بونو فرانسانین ارمنیستانداکی سفیری ژان-فرانسوا شارپانتیی دئییب.

اونون سؤزلرینه گؤره، هر اوچ همصدر بیر-بیری ایله، همچینین مناقیشه طرفلرینین دؤولت باشچیلاری و خاریجی ایشلر ناظرلری ایله دایم تماس‌دا اولور.

اون گوندن سونرا همصدرلرین بؤلگه‌یه سفر ائدجیینی دئین فرانسالی دیپلماتین سؤزلرینه گؤره، مینسک قروپونون میسسییاسی مناقیشه‌نین حلی یوللارینین تاپیلماسینا شرایط یاراتماقدیر، لاکین یئکون قراری اونلار قبول ائتمیرلر.

سفیر علاوه ائدیب کی، بو ایلین مارت آییندا اوللاندلا سرکیسیان آراسیندا گؤروش زامانی فرانسا دؤولت باشچیسی آذربایجان و ارمنیستان پرزیدنتلرینی قبول ائدیب، اونلارین گؤروشونو تشکیل ائتمه‌یه حاضر اولدوغونو بیان ائدیب.

سفیرین قناعتینه گؤره، اوچ معلوم پرینسیپه اساسلانان هرطرف‌لی یئکون حلین تئز بیر زاماندا تاپیلماسی اوچون هر شئی ائتمک لازیمدی. ژ.شارپانتیی قید ائدیب کی، ایستر اینسانی، ایسترسه ده سیاسی مؤقعیی نظردن دایم تهدید و آتشکس رژیمینین پوزولماسی شرایطینده یاشاماق اولماز.

«ایستاتوس-کوو داوام ائده بیلمز»، - سفیر بیلدیریب.