تئهرانین جومعه نامازینین دؤنه‌م باشقانی محمد ایمامی کاشانی ناماز خوتبه‌سین‌ده‌کی چیخیشین‌دا سودییه اربیستانی ایله آمئریکایا قارشی سرت بیاناتلار سسلندیریب.

آخار. آز خبر وئریر کی، آبش پرئزیدئنتی دونالد ترامپین ار-ریادا سفرینه و بؤلگه‌نین مؤوجود دورومونا توخونان آخوند ایمامی کاشانی رئگیون‌داکی موسلمان میللتلری سودییه اربیستانی حکومتینه قارشی آیاغا قالخاراق اونو ییخماغا چاغیریب:

«سودییه حکومتی جینایت تؤرتمک ایستییر. بئله اولان حال‌دا موسلمان میللتلر اونا قارشی عصیان ائتمه‌لی‌دیر. آخی بو نئجه بیر وضعیت‌دیر کی، ترامپ بؤلگه‌یه سفر ائدیر، سودییه اربیستانینین رس‌میلری ایله گؤروشور، اؤز اؤلکه‌سینه قاییدارکه‌ن ایسه دئییر کی، بیز سرمایه‌لریمیزین بیر حیسه‌سینی آمئریکایا قایتاردیق. هالبوکی بو سرمایه اونلارین دئییل. بو، سودییه اربیستانی میللتین‌دن اوغورلانمیش پوللاردیر. سودییه حکومتی ایسه آمئریکانین نؤکری‌دیر».

قئید ائدک کی، ایرانین دینی لیدئری علی خامئنئی ده مایین ۲۷-ده رامازان موناسیبتیله «قوران» قاریلری ایله گؤروشه‌رک، سودییه حکومتینه و اونون رهبرلرینه قارشی چوخ سرت بیاناتلار سسلندیرمیش‌دی.