ایسپانییا هومانیتار غیری-حکومت تشکیلاتینا مخصوص گمی آرالیق دنیزینی کئچمک اوچون حیاتلارینی تهلوکیه آتان ۳۹۱ مهاجیری خلاص ائدیب.

مساوات. کوم خبر وئریر کی، پرواجتیوا آچیق اللر یاردیم تشکیلاتینین سؤزچوسو لاورا لانوزا دئییب کی، اونلارا مخصوص گولفو آزورو گمی‌سی شنبه گونو لیوییا ساحللرینه یاخین بین الخالق سولارادا قارشیسی آلینان ایکی قاچاقچی گمیدن ۲۴۳ مهاجیری اؤز گؤیرتسینه گؤتوروب.

لانوزا بیلدیریب کی، مهاجیرلر آراسیندا بیر کؤرپه، بیر حامیله قادین و بیر نئچه اوشاق اولوب.

گمی علاوه اولاراق، ایتالییا ساحل محافظه‌سی گمیسینه تحویل وئردیی ۱۴۸ مهاجیری ده خلاص ائدیب.

لیوییادا قانونسوزلوغون مؤوجود اولماسی قاچاق‌چیلارا مهاجیرلری و قاچقینلاری کؤچورمک ایشی ایله مشغول اولماسینا شرایط یارادیب. سون ایللر عرضین‌ده اینسانلاری دنیزدن کئچیرمیی تکلیف ائد‌ن مینلرله گمی پئی‌دا اولوب.