ارمنیستان‌دا سوسیال شبکه ایستیفاده‌چیسی سونیا ق. آدلی عسگر آناسی ایستاتوسونندا بؤلوشدویو پایلاشیملا بو اؤلکه‌نین عسگر آنالاری دا داخیل اولماقلا، بوتون اجتماعیتی نؤوبتی دفعه مایوس ائدیب.

رئپورت خبر وئریر کی، ایشغال اولونموش قاراباغدا حربی خیدمت کئچن اوغلو وولودیا ایله گؤروشدن قاییدان آنا حربی حیصه‌ده گؤردوکلریندن دهشته گلدیینی اورک آغریسی ایله باشقا والیدینلره بؤلوشوب.

قادین حربی حیصه‌ده سوسیال شرایطین برباد وضعیتیندن، یئمیین کئیفیتسیز اولماسیندان، عسگرلرین گئییمیندن، اونلارین خاریجی گؤرونوشوندن، بعضیلرینین مختلیف خسته‌لیکلردن اذیت چکدییندن، حتی ظابط عائله‌لرینین دؤزولمز وضعیت‌ده یاشاماسیندان، باش وئرن حاقسیزلیقلاردان و حربی حیصه‌ده‌کی اینتیظام‌سیزلیق دا داخیل اولماقلا، بیر چوخ پروبلئملردن دانیشیب.

سونیا ق. سون‌دا «وضعیت حددن آرتیق آجیناجاقلی‌دیر. اؤولادیمین ساغلام و سالامات قاییتماسی عائله‌میز اوچون بؤیوک بیر معجزه اولاجاق» – دئیه یازیب.