ایونون ۱۴-ده ویرجینییادا بیسبول میدانچاسیندا کنگرسمنلرین معروض قالدیغی هجومون ترور اولمادیغی اوزه چیخیب.

آخار. آذ خبر وئریر کی، بو باره‌ده فدرال تحقیقات بوروسونون رسمی‌سی تیموتی سلاتر سؤزوگئدن اولایین ایستینتاقی ایله باغلی تشکیل اولونموش مطبوعات کنفرانسیندا دئییب. او، قاتیل جیمس هوکینسونون تک باشینا حرکت ائتدیینی، هئچ کیمدن تعلیمات آلمادیغینی و هجومون ترور اولمادیغینی بیلدیریب.

قید ائدک کی، ۶۶ یاشلی جیمس هوکینسون بیسبول میدانچاسیندا کنگرسمن ایستیو سکالیزی گوللییب. اونونلا برابر ایکی‌سی پلیس اولماقلا داها ۴ نفر گوله یاراسی آلیب. پلیسله قارشیدورما نتیجه‌سینده جینایتکار یارالانیب و خسته خانادا اؤلوب.

جینایتکارین اوزریندن تاپیلان سیاهیدا تنسسی، آریزونا، جنوبی کارولینا، اوهایو، ویرجینییا و آلاباما ایشتاتلاریندان سئچیلمیش رسپوبلیکاچی کنگرسمنلرین آدلاری اولان سیاهی چیخیب.

ماراقلی‌دیر کی، بو سیاهی‌دا ایستیو سکالیزین آدی اولماییب.