آمریکا و روسییا پرزیدنتلری دونالد ترامپ و ولادیمیر پوتین اونلارین هامبورگدا گ۲۰ سامیتی چرچیوه‌سینده کئچیریلن ایکیطرفلی دانیشیقلاری اطرافیندا یارانان گوجلو آژیوتاژا باخمایاراق، گؤروش زامانی ژورنالیستلرین سواللارینی جاوابلاندیرماماغی اوستون توتوبلار.

آخار. آذ خبر وئریر کی، دؤولت باشچیلاری دانیشیقلار اوچون آیریلان اوتاغا کئچدیکدن سونرا ژورنالیستلر اورا دعوت اولونوب. بو زامان لیدرلر آرتیق کرسلولاردا اؤز یئرلرینی توتموشدولار و خاریجی سیاست ایداره‌لرینین رهبرلری ده اونلارین یانیندا ایلشمیشدیلر.

اوتوزدان چوخ ژورنالیست بیر آنداجا اوتاغی دولدوروب. اولجه ترامپ، سونرا ایسه پوتین بیر نئچه کلمه سؤیله‌یه‌رک، بو جور بیرباشا دیالوگون واجیبلیینی بیلدیریبلر. قیسا بیاناتلار وئرن لیدرلر بونونلا دا گؤروشون مطبوعات اوچون آچیق حیصه‌سینین باشا چاتدیغینا ایشاره ائدیبلر.

ژورنالیستلر ایسه بیر-بیریلرینه ماجال وئرمدن اؤز سواللارینی سسلندیرمه‌یه باشلاییبلار. ترامپ و پوتین سواللارا محل قویمادان، اؤز آرالاریندا آستاجا دانیشماقدا داوام ائدیبلر. پرزیدنتلر یئنی‌دن ال سیخماق خواهیشینه ده رئاکسییا وئرمه‌ییبلر.

مطبوعاتنماینده‌لرینین بو وورنوخماسی هم پرزیدنتلرده، هم ده ناظیرلرده تبسسم دوغوروب. بوندان سونرا ژورنالیستلر اوتاقدان چیخیب و گؤروش قاپالی شرایط‌ده داوام ائدیب.