تورکییه حاکمیتینین آلمان میلت وکیللرینه ناتو-نون کونیاداکی بازاسینی زیارت ائتمه‌یه اجازه وئرمه‌مه‌سیندن ناراحاتیق.

آخار. آذ خبر وئریر کی، بو سؤزلری ناتو باش کاتیبی ینس ایستولتنبرگ آلمان نشرینه آچیقلاماسیندا دئییب.

«اومید ائدیریک کی، تورکییه و آلمانییا بو زیارت اوچون هر ایکی طرفه مناسیب بیر واخت معینلشدیره بیله‌جک»، - ایستولتنبرگ تورکییه خاریجی ایشلر باشچیسی مؤولود چاووش اوغلو ایله گؤروشدن سونرا آچیقلاماسیندا بیلدیریب.

قید ائدک کی، تورکییه آلمانییا میلت وکیللرینه ناتو-نون کونیادا یئرلشن حربی بازاسینی زیارت ائتمه‌یه اجازه وئرمییب. میلت وکیللری آلمان حربی کونتینگنتی یئرلشهن بو بازایا سفری ایولون ۱۷-ا پلانلاشدیریلمیشدی.

آلمان کونتینگنتین اینجیرلیکدن چیخما پروسسی ایسه اؤتن بازار باشلاییب. آلمانییانین بو بازادا ۲۶۰ حربچی‌سی، «تورنادو» کشفیاتچی طیاره‌سی وار.