آمریکانین باشچیلیق ائتدیی کوالیسییا عراق-سورییا سرحدینده هشدی شبی قوه‌لرینی ووردوقلاری ایله باغلی یاییلمیش ادعالاری رد ائدیب.

آخار. آذ خبر وئریر کی، کوالیسییا همین ساعتدا بؤلگه‌ده هاوا هجومو ائتمدیکلرینی بیلدیریب. ایشید ایسه سوسیال مدیادا گونده‌م یارادان آچیقلامالارلا هجومون مسئولیتینی اؤز اوزرینه گؤتوروب. ترور تشکیلاتی هجوم نتیجه‌سینده دؤیوش سلاح-سورساتی و زیرهلی تکنیکا اله کئچیردیینی ادعا ائدیب.

عراق مدافیعه ناظرلیگی و ایران انقلاب محافیظه لری (سپاه) ایسه مؤوضوع ایله باغلی آچیقلاما یایماییب.

قید ائدک کی، عراق-سورییا سرحدینده هشدی شبی قوه‌لرینین وورولماسی نتیجه‌سین‌ده ۳۶ حربی قوللوقچونون اؤلدویو، ۷۵ نفرین یارالاندیغی، ایران اینقیلاب محافیظه لریندن ده ۷ نفرینین هلاک اولدوغو بیلدیریلیب. هجومدا مدرن راکتلردن ایستیفاده ائدیلیگی اوچون بو ایشده آمریکا اوردوسو تقصیرکار بیلینیردی.