چین‌لی عالیملر ویرتوال رئاللیق تئخنولوگییالارین‌دان ایستیفاده‌ده ائد‌رک نارکومانییانین موعالیجه‌سینده بؤیوک اوغورلارا ایمضا آتیبلار. بئله کی، ویرتوال رئاللیق مئتامفئتامین قبول ائتمیش اینسانلارین ۹۸،۱ فایزینین موعالیجه‌سین‌ده ثمره‌لی واسطه اولوب.

آخار. آذ خبر وئریر کی، بو تئخنولوگییا نارکوتیک‌دن آغیر آسیلی اولان ۶۷،۳ فایز اینسانلارین موعالیجه‌سینده ده موثبت نتیجه وئریب. همین نتیجه‌لر مین‌دن چوخ تجروبه اساسیندا الده ائدیلیب. بو لاییحه‌نین رهبری، چین‌لی عالیم اوانگ یونگگوانگین سؤزلرینه گؤره، ویرتوال رئاللیق خسته‌لرین آسیلیلیق سوییه‌سینی قیمتله‌ندیره و نارکوتیک مادده آلوده‌چی لری باره‌ده ویدئولار واسطه‌سیله اونلارا یاردیمچی اولا بیلیر.

تجروبه زامانی نارکوتیک آسیلیلیغین‌دان اذیت چکن اینسانلار آلتی ویرتوال رئال‌لیق سئان‌سیندان کئچیبلر. اونلار خصوصی ویرتوال رئال‌لیق ائینکلری تاخیبلار. خصوصی جیهاز ایسه اونلارین اورک دؤیونتولرینی ایزله‌ییب. سئانس زامانی همین شخصلره نارکوتیک ایستیفاده‌سی و نارکوتیکین فسادلاری باره‌ده سندلی فیلملر گؤستریلیب. ویدئونون سونوندا ایسه اونلارا دوغما و راحت ائو صحنهسی تقدیم ائدیلیب.

عالیملر نارکومانییادان قورتولماق اوچون ویرتوال رئاللیق تئخنولوگییاسین‌دان داها موته‌مادی شکیل‌ده ایستیفادنی واجیب حساب ائدیرلر.