ایران پرزیدنتی مسعود پزشکیانین اؤزونون اکس حسابیندا شهریارین «حئیدربابایا سلام» پوئماسیندان بیر بند پایلاشماسی اعتراضلا قارشیلاشیب.

Axar.az خبر وئریر کی، بو باره‌ده یئرلی سوسیال مدیا شبکه‌سینده معلوماتلار یاییلیب.

"فجر فیلم فستیوالی تشکیلات‌چیلاری و صنعت‌چیلرله گؤروشوم‌ده شهریارین «حیدربابایا سلام» پوئماسیندان « حیدر بابا گؤیلر بوتون دوماندی، گونلریمیز بیر-بیریندن یاماندی، بیر-بیریزدن آیریلمایین آماندی! بندینی اوخودوم. بونونلا دئمک ایستدیم کی، بو گون داها چوخ بیرلییه احتیاجیمیز وار و آرامیزدا داغینیقلیق یارادیلماسینا اجازه وئرمملییک"،- پزکیان یازیب.

آذربایجانلی سوسیال مدیا فعاللاری پزشکیانی آرادا-بیر آذربایاجان دیلینده شعر اوخوماقلا سئچکی قاباغی آذربایجان دیلی ایله باغلی وئردیی وعدلری اؤرت-باسدیر ائتمکده گناهلاندیریبلار.

"جناب پزشکیان! تورکجه شعر پایلاشماق یاخشیدی، آنجاق بو هئچ بیر درده درمان ائتمیر. یاخشی اولاردی کی، کونستیتوسییانین ۱۵-جی مادده‌سینین اجراسی و اورمییا گؤلونون برپاسی ایله باغلی وئردیینیز وعدلری یئرینه یئتیرسینیز"،- پایلاشیملاردا قید اولونوب.