لطفی زاده‌نین وضعیتی ایستابیل و یاخشی‌دیر.

بونو کولیس. آذ-آ آچیقلاماسیندا عالیمین خالاسی قیزی رژیسسور، آذربایجانین خالق آرتیستی جنت سلیمووا سؤیله‌ییب.

قوهومونا باش چکمک اوچون آمریکایا گئتمه‌یه حاضیرلاشدیغینی بیلدیرن جننت سلیمووا اونونلا بیر نئچه گون اول علاقه ساخلادیغینی سؤیله‌ییب: «منه زنگ ائدیب باش ساغلیغی وئردیلر، قورخدوم، تئز اونا زنگ ائتدیم. اما اونونلا یوخ، اونون یانیندا قالان طیبب باجیسییلا دانیشدیم. او دئدی کی، لطفی زاده یاخشیدیر، یانیمدا اوتوروب، یئمک یئییر. حکیم ده دئدی کی، نورمالدیر، اونونلا باغلی هر شئی یاخشی‌دیر. بیلیرسینیز، اونون ۹۵ یاشی وار، تلفنا گله بیلمیر، اونا دانیشماق، حرکت ائتمک چتیندیر. اما منه دئدیلر کی، وضعیتی یاخشیدیر و حکیملرین نظارتینده‌دیر.

او کی قالدی وصیعته، بو جفنگیاتدیر، من بئله بیر شئی اشیتممیشم، او وصیعت ائتمه‌یه حاضیرلاشمیر. آذربایجان اونون وطنی‌دیر، اما اونوتماق دا اولماز کی، او، عمرونون چوخونو، ۷۰ ایل آمریکادا یاشاییب، آمریکا اونا ایشله‌مه‌یه شرایط وئریب، داهییانه عالیم ائدیب. او اونیورسیتت پراکتیکی اولاراق اونون اونیورسیتتی‌دیر. آمریکا اونا چوخ شئی وئریب، او آذربایجانی سئویب ده آمریکانی اونودا بیلمز. اونون آتاسی دا، آناسی دا اورادا دفن اولونوب. آروادی دا هم ده بو یاخینلاردا اورادا دفن اولونوب و او، آروادینی چوخ سئویردی. او، آروادینین اؤلومونو پیس کئچیردی. اونون اوغلو نورمان وار، هر شئیه او قرار وئرجک. بو مسئله‌لر منیم ایشیم دئییل. بو ساده‌جه قوهوم کیمی منیم آجیمدیر.

من بو وصیعت مسئله‌سی ایله باغلی دانیشماق دا ایستمیرم. لطفی زاده حاقدا جانلی، نورمال آدام کیمی دوشونورم و منجه اینسان حاقیندا باشقا جور دوشونمک، دانیشماق عاییبدیر.»