مکزیکانین پوئبلو شهرینده ۷،۱ بال گوجونده زلزله باش وئریب.

آخار. آذ خبر وئریر کی، دهشت‌لی زلزله باش وئردیی شهر پایتاخت مکسیکونون ۱۲۳ کیلومترینده یئرلشیر.

طبیعی فلاکت نتیجه‌سینده خیلی یاشاییش بیناسی، اینضیباطی تیکیلیلر داغیلیب.

***

زلزله نتیجه‌سین‌ده مورئلوس اشتاتیندا ان آزی ۴۲ نفر اؤلوب.

بو باره‌ده مورئلوس اشتاتینین قوبرناتورو (والیسی) گراکو رامیرس معلومات وئریب.

داها ۳ نفرین ایسه پوئبلا اشتاتیندا اؤلدویو باره‌ده معلومات داخیل اولوب.

قید ائدک کی، زلزله یئرلی واختلا ۱۸:۱۴-ده (باکی واختی ایله ۲۲:۱۴) باش وئریب. زلزله‌نین اپیسنتری پوئبلا-دی-ساراگوس شهریندن ۴۹ کیلومتر جنوب-غربه دوشوب. اپیسنتر همچینین تپوخوما یاشاییش منطقه‌سینین ۸ کیلومترلیینده اولوب.

زلزله اوجاغی ۶۰ کیلومتر درینلیکده‌دیر.

زلزله پایتاخت مکسیکودا دا گوجلو شکیلده حس ائدیلیب. مکسیکوداکی بنیتو خوارس آدینا بین الخالق هاوا لیمانی فعالیتینی دایاندیریب.

***

مکزیکانین قضا-خیلاص ائدیجی خیدمتینین رهبری لویس فلیپی ۴۴ نفرین اؤلدویونو رسما تصدیقله‌ییب. او بیلدیریب کی، مورئلوس ایشتاتیندا ۴۲، مکسیکودا ایسه ۲ نفر اؤلوب.

***

مکزیکادا زلزهله نتیجه‌سین‌ده اؤل‌نلرین سایی ۱۴۹-آ چاتیب.

بو حاقدا مکزیکانین قزا-خیلاص ائتمه خیدمتینین ریسی لویس فلیپی پوئنتی تویتر حسابیندا قید ائدیب.

"حاضردا اولان معلوماتا گؤره، مورئلوس اشتاتیندا ۵۵، مکسیکودا ۴۹، پوئبلا ایشتاتیندا ۳۲، مکسیکو ایشتاتیندا ۱۰، قررئرو ایشتاتیندا ۳ نفر اؤلوب."، - دئیه او بیلدیریب.

***

مکزیکادا زلزله نتیجه‌سینده اؤلنلرین سایی ۱۴۹-آ چاتیب.

بو حاقدا مکزیکانین قزا-خیلاص ائتمه خیدمتینین ریسی لویس فلیپی پوئنتی تویتر حسابیندا قید ائدیب.

"حاضردا اولان معلوماتا گؤره، مورئلوس ایشتاتیندا ۵۵، مکزیکودا ۴۹، پوئبلا ایشتاتیندا ۳۲، مکزیکو ایشتاتیندا ۱۰، گرررو ایشتاتیندا ۳ نفر اؤلوب."، - دئیه او بیلدیریب.

***

مکزیکاداکی دهشتلی زلزله نتیجه‌سینده اؤلنلرین سایی ۲۲۶-یا چاتیب.

***

"حاضردا داغینتیلار آلتیندان ۲۴۸ دئییل، ۲۱۶ مییت چیخاریلیب" - لویس فلیپی پونتنین یایدیغی معلوماتدا بیلدیریلیر