سانکسیا تضییقلری نتیجه‌سینده روسیا بوتون آویاسیا تکنیکاسینی تام شکلده ایدخالدان آسیلیلیقدان چیخارا و یئرلی استحصاللا عوض ائده بیلیب.

Axar.az خبر وئریر کی، بونو روسیا پرزیدنتی ولادیمیر پوتین بیلدیریب.

«بیر چوخ سببلره، ایلک نوبه‌ده سانکسیا تضییقینه گؤره وضعیت دییشدی و روسیا مجبور قالدی، لاکن نتیجه‌ده هر شیی تام شکلده ایدخالی اوز ائد‌ن محصوللارلا تامین ائتمه‌یه نایل اولدو»، – دئیه او، یئرلی آویاسیا صنایعسینین انکشافینا حصر اولونموش مشاوره‌ده سؤیله‌ییب.

او قید ائدیب کی، حربی و ملکی طیاره‌لرین بوتون چئشیدینی مستقل شکلده یاراتماق باجاریغی تخنولوژی، علمی و صنایع سووئرنلیینین اساس گؤستریجیلریندن بیریدیر:

«دوغرودان دا، بئله اونیکال سریشته‌لره مالک اؤلکه‌لرین سایی چوخ دئییل و روسیا اونلارین سیراسیندادیر. همکارلاریم دا قید ائتدیلر کی، حتی یوکسک انکشاف ائتمیش، گوجلو طیاره‌قاییرما عنعنه‌لرینه مالک اؤلکه‌لر بئله، بو ساحه‌ده جدی بین‌الخالق امکداشلیقدان استفاده ائدیرلر».