تورکییه و آذربایجان آوراسییا اتفاقینا عضو اولسالار، او زامان ارمنیستان وطنداشلاری تشکیلاتین سربست دولاشیم شرطیندن ایستیفاده ائد‌رک، آذربایجان و تورکییه‌یه سربست شکیلده داخیل اولا بیله‌جکلر.

آخار. آذ خبر وئریر کی، بو سؤزلری «میلیت» قزئتینه آچیقلاماسیندا تورکییه‌نین اصیلسیز ارمهنی ایدعالارییلا مجادیله درنیینین (آسیمدئر) رهبری گؤکسل گولبی سؤیله‌ییب.

«۱۹۹۲-جی ایلده ارمنیستان و روسییا اوردولاری طرفیندن ایشغال ائدیلن آذربایجانین قاراباغ بؤلگه‌سی اوجباتیندان تورکییه و آذربایجان ارمنیستانلا سرحدلرینی باغلامیشدی. ایشغال ائدیلن آذربایجان تورپاقلاری آزاد ائدیلمه‌دن، قتل ائدیلن آذربایجانلیلارین قیصاصی آلینمادان ارمنیستان کونستیتوسییاسیندا سرحدلری تانینمایان تورکییه‌نی بو بیرلییه عضو ائتمکله روسییا تورک میللتینه اؤز کئچمیشینی اونوتدورماق ایستییر. آوراسییا اتفاقینا عضو اولما شرطلریندن بیری ده اؤلکه‌لر آراسیندا ویزالارین لغو ائدیلمه‌سی و سربست دولاشیم شرطیدیر. بو دا او دئمکدیر کی، تورکییه و آذربایجان بیرلییه عضو اولسالار، دیگر اؤلکه وطنداشلارینا اؤز اراضیلرینه سربست گلمه‌لرینه ایزن وئرملیدیرلر.

روسییا ماشاسی ارمنیستان واسطه‌سیله آذربایجان تورپاقلاریندا ایکینجی ارمنی دؤولتی قورماق ایستییر. تورکییه‌نین ارمنیستانلا سرحدلرینی آچماسی اوچون ایروان آذربایجان تورپاقلاریندان چیخمالیدیر. روسییا بونو نظره آلاراق آذربایجان و تورکییه‌نی ارمنیستانلا اوزلاشدیرماق اوچون آوراسییا اتفاقینا عضولوک و بئش رایونون گری قایتاریلماسی پلانینی تکلیف ائدیر. بو، آذربایجانین خئیرینه دئییل، عکسینه، ایکینجی ارمنی دؤولتینین قورولماسی و لقاللاشدیریلماسی لاییحه‌سیدیر»، – دئیه او بیلدیریب.