۱۹۹۲-جی ایلین ۱۸ مایی. لاچینین اشغال گونون‌ده ارمنیلر ویدئو چکیبلر. بو فوتو همین ویدئودان سکریندیر. ماشینین ایچینده الین‌ده آوتوماتلا اؤلن آدی بللی اولمایان عسگریمیز ارمنیلرین بایراغی قوپارماماسی اوچون سون دفعه الینی اوزادیر و شهید اولور.

کادردا داوام اولاراق اشغال‌چی ارمنی ماشینین پنجه‌لرینی قیراراق اونون الین‌دن آوتوماتی آلیر.

هر دفعه ۲۶ ایون ملی اوردو گونو یادیما بو کادر دوشور: آذربایجان عسگرینین بایراق و وطن سئوگی‌سی.

۱۹۱۸-جی ایلین ۲۶ ایونون‌دا الاحیدده آذربایجان کورپوسو ایله باش‌لانان ملی اوردوموز چوخ چتین‌لیکلر و اذیتلر یاشاییب. بؤیوک ایمپریالارین هوادارلیق ائتدیی دولتلر ایله ساواشیب. موقتی مغلوبیتلره باخمایاراق، قالیب اوردو اولوب سونون‌دا.

۱۹۱۸-جی ایلده‌ن تورپاقلاری آزاد ائدیب، ۱۹۲۰-جی ایلین اول‌لرینده شوشا و خانکندیده بایراق قالدیران اوردونون واریثلری ۲۰۲۰-جی ایلده شوشادا، ۲۰۲۳-جو ایلده ایسه خانکندی‌ده اونو «بیر کره یوکسه‌لن بایراق بیر داها ائنمز» شعاری ایله برپا ائدیبلر.

اوچ رنگلی بایراق جمهوریتین بیزه میراثی‌دیر.

هر بیر دؤیوشه گئدن، حربی خدمت‌ده اولان و ایسته‌نیله‌ن فورمادا، حربی، یوخسا ملکی گئییم‌ده، وطنی قورویانلار اوچون بو اوچ رنگ و اونون آیی-اولدوزو جاندان عزیز، عموردن دیرلی اولوب.

بو عسگریمیز، ناطق قاسیموو و دیگرلری کیمی...

بایراغی بایراق ائد‌ن اونون عسگری، ظابطی و اوردوسودور. بایراغین هر رنگینین اوزرینده شهیدین، قاضی‌نین و عسگرین، ظابطین قانی وار. بو قان مین ایللردن بری داوام ائد‌ن دولتچی‌لیک تاریخیمیزین داماریندان آخیر.

۲۶ ایونو دا ایون ائد‌ن اوردوموز و سلاح‌لی قوه‌لریمیز کیمی...

وطن اوچون اؤولاد یئتیشدیریب اونو اوردونون بیر پارچاسی ائد‌ن والیدیینلر باشدا اولماقلا اوردو عضوو اولان، اولموش و اولاجاق هر بیر آذربایجان وطنداشینی تبریک ائدیره‌م..

دوغولان‌دا و اؤلنده الیمیزده بایراق اولسون، دولت وار اولسون!

ملت و خالق وار اولسون!

آذربایجان وار اولسون!

اوردوموز وار اولسون!