سون بیر نئچه گون عرضینده طالبان حکومتی افغانستانین بیر نئچه بؤلگه‌سینده ایرانا باغلی دینی مرکزلرین فعالیتینی محدودلاشدیریب.

Axar.az خبر وئریر کی، بو باره‌ده افغانستانلی مئدیا فعاللاری معلومات یاییب.

معلوماتا گؤره، ایران حکومتینین سیاسی-ایدئولوژی تبلیغاتی ایله مشغول اولان همین دینی مرکزلرین مسئوللاری دا حبس ائدیلیب.

بیلدیریلیب کی، ایران افغانستان شیعه‌لرینین اعتیقادلاریندان سو-استیفاده ائد‌رک اؤلکه‌ده دینی زمینده قارشیدورما یاراتماغا چالیشیر.

ایرانین نظارتینده اولان و مرکزی اوفیسی ایراندا یئرلشن افغانیستان شیعه علمالاری شوراسی ایسه یایدیغی بیانات‌دا طالبان حکومتینی رپرئسسییالاردا گوناهلاندیریب.

طالبان حکومتینین یئرلی مسئوللاری ایران‌دان اداره اولونان رادیکال شیعه عالیملرینین بیاناتلارینین حقیقته اویغون اولمادیغینی بیلدیریبلر:

"عاشورا گونلرینده تطبیق ائدیلن محدودیتلر تهلوکه‌سیزلیین تامین ائدیلمه‌سی و اجتماعی آسایشین قورونماسی مقصدی ایله قبول ائدیلیر و مقصدی دینی مراسیملرین قارشی‌سینی آلماق دئییل".