ونزوئلادا بنزین قیتلیغی یارانیب.

آخار. آذ خبر وئریر کی، آرتیق اؤلکه‌نین بنزین دولدورما منطقه‌لرین‌ده بؤیوک نؤوبه‌لر یارانیب. اساس آکتیولیک پایتاخت کاراکاسدا موشاهیده ائدیلیر. ونزوئلا مطبوعاتی بنزین چاتیشمازلیغینین اؤلکه‌نین قیدا صنایعسینده ده، تئزلیکله، اؤزونو گؤسترجیینی بیلدیریب.

اؤلکه‌نین بعضی ایشتاتلاریندا حتی بنزینله باغلی آرتیق معین قاداغالار دا تطبیق ائدیلیب. بئله کی، مریدا ایشتاتیندا اینسانلارین ۳۰ لیتردن آرتیق بنزین آلماسی قاداغاندیر. سانتا باربارا دئل سولیا شهرینده ایسه فرمرلر و اجتماعی نقلیاتدان باشقا هئچ کیمه بنزین ساتیلمیر.

قید ائدک کی، ونزوئلا دونیانین ان چوخ نفت احتیاطلارینا صاحب اؤلکه‌لریندن بیریدیر. نفت قیمتلرینین کسکین دوشمه‌سی و آمریکا سانکسییالاری بو اؤلکه‌ده اقتصادی وضعیتی پیسلشدیریب. اؤلکه‌ده اینفلیاسییا حددن آرتیق یوکسلیب، اوسته‌لیک مالییه چاتیشمازلیغی بعضی نفت موسسه‌لرینین فعالیتینی دایاندیرماسینا سبب اولوب.