دونیادا آرتیق فراقمئنتال شکیل‌ده بؤیوک محاربه باشلاییب.

بو سؤزلری آخار. آذ-آ پولیتولوگ توفیق عباسوو دونیادا باش وئره‌ن سپراتیزم مییللرینین داها بؤیوک محاربه‌لرین یارانماسی احتیمالی ایله باغلی فیکیرلره موناسیبت بیلدیررکن دئییب. او بیلدیریب کی، عمومیتله، سون ایللر دونیادا قاینار نقطه‌لرین، موناقیشه‌لی زونالارین سایی آرتماقدادیر:

«بونلارین یارانماسینا اساس سبب بین الخالق حقوق سیستمینده بوشلوقلارین اولماسی‌دیر. مثلاً، آذربایجان اوزون ایللردیر قاراباغ پروبلئمی ایله باغلی بوتون دونیانی آییلتماغا چالیشیر. دونیادا سیستملی شکیلده تدبیرلر آپاریر، اؤلکه‌یه گلن بوتون نماینده‌لری - سیاستچیلری، دؤولت رسمیلرینی، دیپلماتلاری بو مسئله نین حلی ایله باغلی پرینسیپیال مؤقعلرینی اورتایا قویماغا چاغیریر. بو پروبلئمین واختیندا حلینه نایل اولونماسا، داها بؤیوک فلاکتلرین یاشانا بیلجیینی بیلدیریر. دونیا دیپلوماتییاسی ایله مشغول اولان اؤلکه‌لرین، تشکیلاتلارین قریبه و آنلاشیلماز تمکین، سویوققانلیلیق نماییش ائتدیرمه‌لری آرتیق داها بؤیوک پروبلئملرین یاشانماسینا شرایط یارادیب. دونیادا سون زامانلار باش وئرن بو حادثه‌لر داها باشقا فاجعه‌لرین باشلانغیجی اولا بیلر. اگر دونیانین بیر نیظامی وارسا، اؤلکه‌لر بونا قید-شرط‌سیز عمل ائتمه‌لیدیر».

پولیتولوگ قید ائدیب کی، حاضردا دونیادا ۱۰۰-دن آرتیق موناقیشه‌لی بؤلگه‌لر وار:

«دونیا آرتیق گلوبال محاربه‌لرین آستاناسیندادیر. بیر حالدا کی، دونیادا قانون وئریجیلیک، قانونلار ایشلمیر، بین لخالق و حقوقی آکتلارین قوه‌سی یوخدور، اورادا گوج ایستروکتورو اؤزونو گؤسترمه‌لیدیر. اؤلکه‌لرین ترکیبینده اولان موختار ویلایتلرین موستقیللیک ایستیینین باش قالدیرماسی یئنی موناقیشه‌لی زونالارین آرتاجاغیندان خبر وئریر. رفرندوم کئچیریلن اؤلکه‌لر آراسیندا عراقین شیمالیندا محاربه‌نین آلوولانماسی داها چوخ احتیمال اولونور. چونکی کوردلرین موستقیللیک اعلان ائتمک ایستدیی بؤلگه چوخ اهمیتلیدیر. ایکینجیسی ایسه همین بؤلگه‌نین یاخینلیغیندا دا بیر نئچه موناقشه‌لی یئرلر (عراق، سورییا، ایسرایل-فیلیسطین مسئله‌سی) وار. بؤلگه‌لرده یارانان خاوسدان ایستیفاده ائد‌ن قوه‌لر ده آز دئییل. قاینار موناقیشه بؤلگه‌لرینین اولماسی بعضی فؤوقلگوجلرین سلاح تیجارتینی گئنیشلندیرمه‌سینه سبب اولور. باش وئرن حادثه‌لر داها چوخ بؤیوک، گوجلو قوه‌لرین فیتنه کارلیغی ایله علاقه‌لیدیر. اونا گؤره ده گوج مرکزلری هر زامان موناقیشه‌لی وضعیتلره سویوققانلی یاناشیر. اونلار واختیندا باش وئرن حادثه‌لرین قارشیسینی آلماق عوضینه، وضعیتی داها دا قیزیشدیرماغا چالیشیرلار. بونو داغلیق قاراباغ پروبلمی زامانی دا موشاهیده ائتمیشیک».

پولیتولوگ وورغولاییب کی، حاضردا دونیادا اولان وضعیتی گلوبال محاربه شرایطی کیمی ده قیمتلندیرمک یئرینه دوشر:

«شیمالی کورئیادان باشلایاراق، آرالیق دنیزینه قدر اولان بؤلگه‌لرین هامیسیندا موناقیشه زونالارینین سایی گئتدیکجه آرتماقدادیر. آوراسییا ماتریکینده بؤیوک بیر مکان، بؤیوک بیر اراضی دئمک اولار کی، سپاراتیزمه قرق اولوب. آنجاق بو وضعیت هئچ کسده ناراحاتلیق یاراتمیر».

ید ائدک کی، کاتالونییا و عراق کورد موختاریتینده‌کی موستقیللیک رفرندوملاریندان سونرا دونیانین بیر سیرا اؤلکه‌لرینده خالقلارین اؤز مقداراتینی تیین ائتمه مسئله‌سی یئنیدن گونده‌مه گلیب.