آمریکانین «سووفان گروپ» کونسالتینگ شیرکتی ایشید سیرالارینداکی خاریجی موزدلو دؤیوش‌چولرین سایینی آچیقلاییب.

آخار. آذ خبر وئریر کی، بو باره‌ده شیرکتین رسمی سایتیندا حسابات درج اولونوب.

«خیلافت خاریجینده: خاریجی دؤیوشچولر و اونلارین گئری قاییدیش تهلوکه‌سی» آدلی حساباتدا ایشید سیرالاریندا ۳۴۱۷ روسیالینین دؤیوشدویو بیلدیریلیب. شیرکتین حسابلامالارینا اساساً، دونیادا ایشید سیرالارینا ان چوخ موزدلو جلب اولونان اؤلکه روسییادیر. سیاهی‌دا ایکینجی یئرده سعودییه عربیستانی (۳۲۲۴ نفر)، اوچونجو سیرادا ایوردانییا (۳ مین نفر)، سونراکی یئرلرده ایسه تونیس (۲۹۲۶ نفر) و فرانسا (۱۹۱۰ نفر) قرارلاشیب.

شیرکتین حسابلامالارینا گؤره، ایشید سیرالاریندا دؤیوشه‌ن ۴۰۰ نفر روسییایا، ۷۶۰ نفر سعودییه عربیستانینا، ۲۵۰ نفر ایوردانییایا، ۸۰۰ نفر تونسه و داها ۲۷۱ نفر ایسه فرانسایا گئری دؤنوب.