تاتاریستان حکومتی کازان و موسکوا آراسیندا صلاحیتلرین بؤلوشدورولمه‌سی باره‌ده راضیلاشمانی اوزاتماق نیتینده دئییل.

آخار. آذ خبر وئریر کی، بونو موسکوادا ژورنالیستلره آچیقلاماسیندا تاتاریستان پرزیدنتی روستم میننیخانوو سؤیله‌ییب. اونون سؤزلرینه گؤره، تاتارلار بوتون اینجیکلیکلرینی اونودوب، ۲۰۱۸-جی ایل پرزیدنت سئچکیسینده ولادیمیر پوتینی دستکلملیدیرلر. او، تاتاریستانین ایندییه قدر الده ائتدیکلرینین اونو قانع ائتدیینی سؤیله‌ییب.

قید ائدک کی، بیر مدت اؤنجه روسییادا بوتون موختار رسپوبلیکا رهبرلرینین پرزیدنت وظیفه‌سی لغو ائدیلیب. آرتیق اونلار «موختار رسپوبلیکا رهبری» آدلاندیریلیرلار. روسییا پرزیدنتی ولادیمیر پوتینین بو تشببوسونون یئگانه ایجرا اولونمادیغی مکان ایسه تاتاریستاندیر. اؤزونون داخیلی موستقیللیینه صاحب اولان تاتاریستاندا روستم میننیخانوو هله ده پرزیدنت آدلاندیریلیر.

موسکوا و کازان آراسیندا صلاحیتلرین بؤلوشدورولمه‌سی حاقیندا سون راضیلاشما ۲۰۰۷-جی ایلده ایمضالانیب. آوگوستدا بیتن راضیلاشمایا اساساً، تاتاریستان اؤزو موستقیل شکیلده خاریجی سیاسی علاقه‌لر قورا بیلر، اما بین الخالق راضیلاشمالاری موسکوا ایله بیرگه ایمضالامالیدیر. اوسته‌لیک، تاتاریستاندا پرزیدنت تکجه روسجا یوخ، هم ده تاتارجا موطلق دانیشمالیدیر.

روسییا مطبوعاتی بیر مدت اؤنجه موسکوانین بو موقاویله‌نی اوزاتماق ایسته‌مه‌مه‌سی ایله باغلی معلومات یاییب.