جنوبی کورئیا حکومتی شیمالی کورئیا لیدرینین محو ائدیلمه‌سی اوچون خصوصی قروپ یارادیب.

آخار. آذ خبر وئریر کی، بو باره‌ده اینفورماسییانی «کورئیا هئرالد» قزئتی یاییب.

قزئت بو قروپون تعلیمی و تجهیزاتی اوچون جنوبی کورئیا حربی بودجه‌سیندن ۳۱۰ مین دوللارین آیریلدیغینی بیلدیریب. بو پولا همچینین رسمی سئولون کامیکادزه پیلوتسوز آپاراتلاری، کشفیات درونلاری دا آلماق نیتینده اولدوغو وورغولانیب. گلن ایل اوچون ایسه بو مالیه شمه‌نین آرتیریلماسی نظرده توتولوب. عمومی‌لیکده شیمالی کورئیا لیدرینین محوینه ۲۴ میلیون دوللارین آیریلماسی پلانلاشدیریلیب.

قئید ائدک کی، یئنی کوماندا آمریکانین اوسامه بن لادنین اؤلومونده ایستیفاده ائتدیی سئال تیم سیکس پروگرامی اساسیندا مشق ائد‌جک.

جنوبی کورئیا ایلک بئله بیر قروپو ۱۹۶۸-جی ایلده قوروب. ۳۱ محبوسدان تشکیل ائدیله‌ن قروپون سونو فاجیوی اولوب. کئچیریلن آغیر مشقلر زامانی اونلاردان ۳-او هلاک اولوب. داها سونرا قروپ اونلار اوچون نظرده توتولان عملیاتا گؤندریلیب. نتیجه‌ده ۱۹۷۱-جی ایلده اونلار عصیان ائد‌رک، اؤز تعلیمچیلرینی اؤلدوروب، سئولا گئتمه‌یه جهد ائتسه‌لر ده بونا نایل اولا بیلمه‌ییب. اوردونون محاصره‌سینه دوشن شخصلر اؤزلرینی قومبارا ایله پارتلادیبلار. اونلاردان ساغ قالان ۴ نفر ایسه سونرادان اعدام ائدیلیب.