ناتونون آنکارادا کئچیریله‌ن ساممیتیندن سونرا آمریکا پرزیدنتی دونالد ترامپین اوکراینایا معین رغبت نمایش ائتدیرمه‌سی کرملینی مرکب دیپلماتیک وضعیته سالیب. چونکی مسکوا آغ ائوین اساس اوستونلوک وئرجیی طرفین محض روسیا اولاجاغینی گؤزلییردی.

Axar.az خبر وئریر کی، بونو روسیالی سیاسی اکسپرت ایوان پروبراژنسکی بیلدیریب.

اکسپرت خاطیرلادیب کی، ساممیت زمانی ترامپ اوکراینایا «پاتریوت» راکتلرینین لیسنزیا اساسیندا استحصالینا اجازه وئرمه‌یه حاضر اولدوغونو بیلدیریب، همچنین اوکراینا سماسینین مدافعه‌سینین گوجلندیریلمه‌سینین ممکونلویونو استثنا ائتمه‌ییب. بوندان علاوه، او، اوکراینانین روسیانین یاناجاق-انرژی کمپلکسینه ائندیردیی ضربه‌لری محاربه‌نین داها تئز باشا چاتماسینا کمک ائده بیله‌جک عامل کیمی مثبت قیمتلندیریب.

ترامپ اوکراینا پرزیدنتی ولادیمیر زلنسکی ایله گؤروشوندن سونرا یاخین واختلاردا روسیا پرزیدنتی ولادیمیر پوتینه زنگ ائتمک نیتینده اولدوغونو دا آچیقلاییب.

اونون سؤزلرینه گؤره، محض بو بیانات مسکوانین درحال رئاکسییاسینا سبب اولوب. روسیا طرفی تلفن دانیشیغینا درحال راضیلیق وئرسه ده، گؤزله‌نیله‌ن زنگ باش توتماییب. پروبراژنسکینین فکرینجه، بو، کرملینی ناراحات وضعیتده قویوب، چونکی گؤزله‌نیله‌ن تماس نتیجه‌سیز قالیب.

اکسپرت قید ائدیر کی، کرملین اوللر ترامپین اوکراینا ایله باغلی دانیشیقلاردا واسطه‌چی رولونا قاییداجاغینا امید ائدیردی:

«ساممیتدن سونرا واشینگتن یاناشماسینی دییشمیش اولا بیلر و آرتیق مسکوانین کمپرومیسه حاضر اولدوغونا دایر علامتلر اولمادان دانیشیقلار آپارماغا چالیشمیر».