۱۸ میلیون فارسین دیلی دؤولت دیلی کیمی قبول ائدیلدیی حال‌دا، ۳۵ میلیون سویداشیمیزین دیلی هئچ تحصیل دیلی کیمی ده قبول ائدیلمیر.

بو سؤزلری آخار. آذ-آ پولیتولوگ قابیل حسین‌لی ایران‌دا دؤولتین نظارتین‌ده اولان تحصیل اوجاقلارین‌دا و اؤزل ایبتیدای مکتبلرده اینگیلیس دیلینین تدریسینین قاداغان ائدیلمه‌سینه موناسیبت بیلدیررکن دئییب. او قید ائدیب کی، ایران کونستیتوسییاسیندا آزسایلی خالقلارین میللی دیلینده مکتبلرین آچیلماسی، تلویزییا وئریلیشلرینین تشکیل ائدیلمه‌سی، میلی ادبیاتین چاپی کیمی مودعالار یئر آلسا دا، بونلارا عمل ائدیلمیر:

«بو قراردان سونرا میللی آزلیقلار اوزرینده، خصوصاً ده اؤلکه‌نین ان چوخسایلی اتنیک قروپو اولان آذربایجانلیلارا و اونلارین دیلینه قارشی رپرئسییالاری داها دا آرتاجاق. بو گون ایران جبهه‌سینده میللی دیللرین، آیری-آیری اتنوسلارین میللی مدنیتینین اینکیشافی اوچون هئچ بیر مولتی کولتورال شرایط یوخدور. بونون اساس سببی ایرانداکی ازازیل رژیمدیر. بو رژیم میللی دیل و میللی مدنیت آنلاییشینی قبول ائتمیر. ساده‌جه اولاراق، ایسلام اومت چیلیینه اساسلاناراق هامینین موسلمان اولدوغونو، هر بیر خالقین دیلینین موسلمان دیلی و مدنیتلرینین ده موسلمان مدنیتی اولدوغونو ادعا ائدیرلر».

پولیتولوگ بیلدیریب کی، ایران‌داکی آذربایجان‌لیلارین آد و یا سویادینین فارس دیلینه اویغون اولماسی واجیبدیر:

«اینسانلارا عرب آدلارینین قویولماسینا دا اجازه وئریرلر. ایران‌دا هر هانسی بیر سویداشیمیزین اؤزونه مخصوص شخصی املاکینا دا فارس یؤنوملو آدلار قویماسی طلب اولونور. میللی آزلیقلارین حقوقلارینی هئچه ساییرلار. بو سبب‌دن ده اورادا میللی آزلیقلارین نه مکتبی، نه ده تلویزییاسی وار. بیر سؤزله، بوتون ساحه‌لرده میللی اؤزونه مخصوص لوق، میللته عایید اولان معنوی جهتلر جدی صورت‌ده تعقیب ائدیلیر، دیسکریمیناسییا آلتینا آلینیر، بوغولور. بئله‌لیکله ده بو اونلارین میللی منصوبیت حیسینین یوخ اولماسینا گتیریب چیخاریر».

قئید ائدک کی، ایران‌دا دؤولتین نظارتینده اولان تحصیل اوجاقلاریندا و اؤزل ابتیدای مکتبلرده اینگیلیس دیلینین تدریسی قاداغان ائدیلیب.