آمریکا ایران آکسییالاریندان رنگلی اینقیلاب دوزلتمک ایستییر.

آخار. آذ خبر وئریر کی، بونو «آیدین‌لیق» قزئتینه آچیقلاماسیندا روسییالی فیلوسوف و ایدولوگ آلکساندر دوگین سؤیله‌ییب.

«ایران مسئله‌سینده ایکی عامله دقت یئتیرملیگیک. بیرینجی عامل اودور کی، ایران داخیلینده طبیعی ایختیلافلار مؤوجوددور. اؤلکه‌ده احمدینژادا یاخین اولان و سوسیال عدالت ایسته‌یه‌ن بیر کوتله وار. بو کسیم ایران پرزیدنتی و سیاسی الیتانین غربیؤنلو و لیبرال مؤوقین‌دن ممنون دئییل. دیگر طرفدن ایسه خومینی نین اینقیلابچی فیکیرلرینین تجریدی مؤوجوددور. یعنی ایران تام اولاراق اینقیلابچی روحا صاحب دئییل. اینقیلابین ایلک مرحله‌سینده اولان دویغوسال و معنوی جوشقو ضعیفلییر. اینقیلابچی سیستمین بوروکراتیکلشمه‌سی و یادلاشماسی پروسئسیندن خالق ممنون دئییل. اینقیلابین روحونو گلوباللاشما و لیبرالیزمه قارشی موباریزه‌ده جانلی توتمالیسینیز. اگر خالقا سببینی چاتدیرا بیلمه‌سه‌نیز، اونلار دا طبیعی اولاراق بونو آنلامایاجاقلار. آنجاق عینی زاماندا غرب و آمریکانین جدی مانیپولیاسییاسی مؤوجوددور. محض اونلار ایران‌دا سوسیال عدالت طرفداری اولان آکسییالارا صونعی گونده‌م علاوه ائتمه‌یه چالیشیرلار. آمریکا ایران آکسییالاریندا رنگ‌لی اینقیلاب دوزلتمک ایستییر» – دئیه او بیلدیریب.