بیرلشمیش عرب امیرلیکلریندن اولان بیر موخالیفین دوحه ده یاشایان حیات یولداشینی تسلیم ائتمک طلبینه اعتراض ائتمه ییمیزین نتیجه‌سی اولاراق رسمی ابوظبی بیزه قارشی بلوکادایا قوشولدو.

آخار. آذ خبر وئریر کی، بو سؤزلری قطر خاریجی ایشلر ناظری شیخ محمد بین عبدوالرحمان الثانی دئییب.

«کؤرفز بحرانیندان اول کیچیک آنلاشمازلیقلار ایکیطرفلی موناسیبتلر چرچیوه‌سینده زامانیندا حلینی تاپیردی. بلوکادانین باشلاماسیندان ۲ آی اول ایسه به-دن مئدیا هوجوملاری باشلادی. مسئله نین حل ائدیلمه‌سی اوچون اونلارلا علاقه ساخلادیق. سؤزوگئدن موخالیف ۲۰۱۳-جو ایلده بیرلشمیش عرب امیرلیینده حیاتا کئچیریلن سیاسی حبسلره گؤره رسمی یوللارلا اؤلکه‌نی ترک ائد‌رک دوحه یه گلدی. داها سونرا بریتانییایا گئتدی، آنجاق حیات یولداشی عائیله وی سببلردن دوحه ده قالدی. حیات یولداشی امارات پاسپورتونون تزه‌لنمه‌سینی طلب ائتدیکده ایسه رسمی ابظبی اونو لغو ائتدی. امیر اونلارا قادینین هر هانسی بیر سبب‌دن آختاریشدا اولمادیغینی، تسلیم ائدیلمه‌سینین قطر کونستیتوسییاسی و بین الخالق حقوقا ضد اولدوغونو بیلدیردی. کونستیتوسییامیزین ۵۸-جی ماده‌سینه گؤره سیاسی سببلردن قطره سیغینان هئچ کیم تسلیم ائدیله بیلمز. بوندان علاوه، بیر عرب اولاراق اخلاقیمیز و کؤرفزلیلر اولاراق عنعنه‌لریمیز بیر قادینین تسلیم ائدیلمه‌سینی اویغون گؤرمز»، - ناظر بیلدیریب.

قید ائدک کی، قطر بحرانی ایونون ۵-ده یارانیب. نتیجه‌ده بحرین، سعودییه عربیستانی، مصر و بیرلشمیش عرب امیرلیکلری قطری تروریزمه دستکده اتهام ائد‌رک، اونونلا علاقه‌لری کسیبلر.