۲۰۱۷-جی ایل موشاهیده‌لرین آپاریلدیغی دؤوردن بو یانا ان ایستی ایل کیمی قبول اولونا بیلر. ایلکین معلوماتلارا اساساً، کاربون قازینین آتموسفره آتیلماسی حجمی اوولکی اوچ ایلده دییشمز قالسا دا، ۲۰۱۷-جی ایلده ۲ فایز آرتیب.

آخار. آذ خبر وئریر کی، موشاهیده‌لر سون ۵ ایل عرضینده یئر کوره‌سینده اورتا تمپراتورون صنایعلشمه‌دن اوولکی دؤورله موقاییسه‌ده ۱،۱ درجه یوکسلدیینی گؤستریب.

۲۰۱۷-جی ایلده کاریب دنیزین‌دن ایرلاندیایادک بوتون اراضیلر قاسیرغالارین تأثیرینه معروض قالیب. هیندیستان، بانگلادش و نئپال‌دا داشقینلار سببیندن ۱۲۰۰ نفردن چوخ اینسان حیاتینی ایتیریب. قوراقلیق شرقی آفریکا و آمئریکانین غربینده جدی فسادلارلا نتیجلنیب. آوروپانین جنوبوندا ایسه گوجلو قوراقلیق مئشه یانغینلاری و سو چاتیشمازلیغینا سبب اولوب.

اوزون موددتلی موشاهیده‌لر دؤورو عرضینده آوروپادا، اساساً ده اوزاق شیمال‌دا ۲۰۱۷-جی ایل داها ایستی کئچیب. دنیزین بوز اؤرتویو خئیلی آزالیب. دئکابر آوروپادا دا ان ایستی آی کیمی یاددا قالیب، قیته‌نین جنوب-شرقینده تمپراتور اورتا گؤستریجی‌دن یوکسک اولوب.