روسییا ائلیتاسی آراسیندا پرزیدنت ولادیمیر پوتینین فعالیتینه گؤره ناراضیلیق آرتیر.

آخار. آذ خبر وئریر کی، بونو «آپوستروف» سایتینا موصاحیبه‌سینده اوکراینا خاریجی کشفیات خیدمتینین کئچمیش صدری نیکولای مالوموژ سؤیله‌ییب. اونون سؤزلرینه گؤره، ناراضیلیق داها چوخ آکتیولرین حبسی ایله باغلی یارانیب.

«داخیلی قوه‌لرین ناراضیلیقلارینی دیله گتیرمه‌سی بؤیوک تهلوکه‌دیر. رگیونال ائلیتالار گوجلو اعتراضلار ائدیر. بو، خصوصیله، تاتاریستاندا موشاهیده ائدیلیر. بیر سیرا رگیونلاردا ایسه آرتیق قاینار نقطه‌لر یارانیر. بو اراضیلر حیات سوییه‌سینین حددن آرتیق آشاغی اولدوغو بؤلگه‌لردیر. پوتینین اؤزو اوچون ایسه ان بؤیوک تهدید یاخین اطرافیندا یارانان ناراضیلیق‌دیر. بو، هله‌لیک پارتلاییش سوییه‌سینه چاتماییب. اقتصادی، سوسیال، مالییه وضعیتی پیسلشه‌نده، اؤلکه SWIFT سیستمیندن اوزاقلاشدیریلاندا پوتین بو قروپون دسته یینی ایتیره‌جک. بو ایسه غیری-ایستابیللیک و حاکمیتین ایتیریلمه‌سی دئمک‌دیر. بوگونکو معلوماتلارا گؤره، مالییه، آدمینیستراتیو قوه‌لر، خصوصی خیدمت اورگانلاری، کیو-لر حاضردا یالنیز سئچکی کامپانییاسینا یؤنلندیریلیبلر. اونا گؤره ده ایندی اؤلکه‌ده سیستملی دستابیلیزاسییا گؤزلنیلمیر»، – دئیه او بیلدیریب.